無綫搞全民直選一人一票揀港姐

突擊高達 · 發表於 2012-8-3 13:46:49

本帖最後由突擊高達於 2012-8-3 13:47 編輯

香港雖然是民主法治社會，但700萬香港市民從來沒權一人一票選特首，就連代表我們到外地親善交流的香港小姐，39年來都是由大會評判選出，不過今年第40年，無綫終來個大突破，只由評判團選出三甲，之後由全港市民一人一票直選港姐冠軍。在2017年直選特首之前，無綫搶閘直選港姐。

十位候選港姐最後誰成為冠軍，選舉權不再在評判手上，而是由全港觀眾直選產生。資料圖片左起：陳潔玲、張名雅、張鈞美、朱千雪、林泳淘、李渼琦、岑杏賢、湯洛雯、曾明俐、黃心穎

無綫《2012香港小姐競選》本月26日舉行，比賽日子尚有三星期，現正籌備得如火如荼，適逢今年是港姐第40年，新上任的無綫非戲劇總監余詠珊即搞搞新意思，之前選出29位佳麗進行淘汰制，但因淘汰過程透明度不足，加上早被淘汰的陳華鑫、鍾麗一而再有復活希望，但最終仍難逃被 out命運，令人覺得無綫有虐待佳麗之嫌。

透過手機互聯網投票
不過在選定10位決賽佳麗後，選制再有大突破，決賽當晚包括劉德華、劉嘉玲在內的大會評判團，將有別過往39年的評判團，不再操港姐冠軍生殺大權，他們只會負責選出最高分的三甲佳麗，至於冠、亞、季名次的票選權，則落在全港市民手上，屆時觀眾可透過手機及互聯網一人一票直選，揀出自己的心水冠軍，現場在15分鐘內，由會計師核實所有數據，獲最高票數便成為今屆港姐冠軍，其他順序為亞軍及季軍。

佳麗各有優點，有選舉權的觀眾，要細心投神聖的一票。

湯洛雯（左）和陳潔玲是非多多，未知由觀眾選冠軍，會否變得蝕底？

黃心穎雖然質素一般，但在無綫官方人氣榜上排第一名，或有着數。

談到一人一票直選港姐冠軍，余詠珊昨在電話中說：「今年嘅評判包括有劉德華、劉嘉玲，評判團會喺各環節畀分，經過幾個環節後選出最高分頭三位佳麗，我哋只會公佈佢哋個名，唔會公佈分數，頭三位佳麗會再經過一輪問題環節，畀觀眾睇清楚，更加了解佢哋，然後就有大約10至15分鐘時間畀觀眾、市民投票。呢次喺入圍嘅10個佳麗裏面選，唔會再玩啲佳麗，唔會再虐待佢哋。」屆時觀眾可以在 tvb.com或以手機登入 TVB Fun投票。

華仔嘉玲任大會評判
其實過往無綫部份選舉如台慶頒獎禮都試過讓公眾投票，但並非在限定時間內進行，若觀眾踴躍選心水港姐，電腦系統是否能負荷得到？余詠珊表示有信心做到，並謂系統經得起考驗，因在技術上已試過可行，她透露會採用雲端系統，可容納超過100萬人同時投票。原來為了今次港姐冠軍能在公平、公正及公開下誕生，無綫特別用最貴的科技、系統配合，並找來微軟公司做顧問。

劉德華和劉嘉玲擔任大會評判，選出最高分的三位佳麗。

余詠珊說：「為咗杜絕一人兩票，我哋做咗好複雜嘅程式，令到冇人可以重複投票，亦冇得造票，因為幫我哋核票嘅會計師樓講明，如果有蠱惑票核唔到嘅就唔會幫手，所以無綫為咗佢哋，做好多安全投票方法。」她謂不怕黑客刻意破壞系統。另外，除劉德華、劉嘉玲擔任大會評判外，趙雅芝、曹敏莉、謝寧和王愛倫等歷屆港姐，將擔任最上鏡小姐評判團。　

話你知：舊賽制靚女難奪冠
無綫港姐今年全民直選冠亞季軍，其實往時以評判畀分的舊賽制確實出現不少不公平現象，如93年郭可盈三甲不入，莫可欣奪冠，79年參選的鍾楚紅和82年的翁美玲亦三甲不入。

《繆騫人》
出名有氣質的繆騫人76年參選時得梗頸四，冠軍是林良蕙。

《鍾楚紅》
公認美貌氣質兼備的紅姑，79年參選時也只得第四名，冠亞季分別是鄭文雅、吳美麗和鍾慧冰。