有錢係咪使得鬼推磨

smuck141

引言
法律之前，人人平等。
呢句老掉牙嘅說話，人人都識講。
但係，喺現實生活中係咪真係咁？
定還是有錢真係使得鬼推磨？
人人平等只係理想世界先會發生？

經驗分享
喺度我不妨同大家分享吓我自己嘅經驗。
問我咁多年有冇見過一件官司，
純粹因為訴訟一方嗰邊有錢，所以贏？
我冇見過，大膽講句，我會話唔會發生。
或者應該咁講。
我冇見過官司就算一方冇理據，
純粹都會因為該方有錢所以贏。

時下興講「核心價值」，
我同大家講，香港嘅「核心價值」，只有一個，
就係我地廉潔奉公嘅司法機構同埋司法制度。
無論有錢冇錢，大家都有公平審訊嘅權利，
與訟雙方可以放心，冇任何人可以「買」個勝訴番嚟。

有錢人打官司
當然，有錢人打官司，一定有某程度嘅「着數」，
呢個唔係制度嘅問題，而係現實嘅一部份，
同有錢人俾得起錢睇私家醫生，去私家醫院求診一樣，
俾得起錢，當然啲藥會好啲，有效啲，
正如打官司，有錢嘅話，可以揾好啲嘅代表律師，
但係咁並唔代表冇錢就死梗，
冇錢嘅話，可以揾法援，可以揾啲平啲嘅律師，
甚至可以選擇自辯，
任何人通過法庭審理爭議嘅憲法權利，
係唔會因為冇錢而被剝削。

當然，平啲嘅律師，
或者經驗比較淺，
甚至質素未必有咁好，
但係呢個係律師本身能力嘅問題，
而唔係制度有FAVOUR有錢一方嘅問題，
其實現實中，真係有「平、靚、正」嘅初生之犢，
佢地因為接嘅案件比較少，
變相會花多啲時間做好每一單案，亦都會比較投入，
相反，我自己見好多所謂「有錢人」使嘅都係冤枉錢，
啲所謂大牌律師，錢就識收，野就唔做足，
尊貴嘅名牌大狀甚至因為接得多CASE而分身不下，
變咗預備嘅時間完全唔充分。

星級律師團
報紙只係識得將啲轟動啲嘅案，
選擇性咁報導出嚟，
變相大家都神化咗啲所謂「星級大狀」，
以為用佢地一定冇死，
但係，佢地輸嘅官司，報紙有冇報哂出嚟？
十單得一、兩單贏，咁代表到啲乜野？

例如陳小寶幾年前單案，
個「星級大狀」用「沒收手提電話」嚟打甩，
大家好似覺得佢好勁，
查實呢啲咁嘅拗法，初出道都識用，
嗰次純粹老廉俾章好牌個大狀嚟上，
所以唔好神化啲所謂「星級大狀」。

又例如林建岳超速案，
只係報導佢重金聘請大狀同專家挑戰雷射槍嘅準確度，
實際上雷射槍嘅準確度喺外國已經俾人挑戰咗好耐，
只不過喺香港好多時啲人費時搞咁多野，認咗就算，
咁撞啱林建岳決定攞呢樣野嚟拗，
唔代表佢嘅律師團特別有過人之處，
咁你可能話，冇錢點請專家？
其實，因為舉證嘅責任喺控方嗰邊，
就算林建岳自己唔CALL專家，
都可以用同一個理據嚟話控方證唔到案。

當然，呢批「星級大狀」都會有佢地過人之處，
就係睇得多CASE，接觸得多，你都變專家啦，
亦都唔排除可能有啲經驗淺，或者搏「紮」嘅少官，
會買呢班老屎忽怕，事事好似卑躬屈膝咁，
呢個只係個別人士冇脊骨嘅問題。

結論
有錢冇錯係可以買到方便，
因為有錢可以有「選擇」；
可以揀搭的士而唔係迫巴士，
坐頭等倉而唔係要迫Y CLASS，
但係，有冇錢都好，
都有機制送你到目的地，
千祈唔好輸打贏要，
一輸就話對面贏「因為佢有錢之嘛」，
呢個係對我地引以為傲嘅司法制度嘅最大侮辱。

肥叔叔

留位先, 慢慢睇  

補充內容 (2012-7-31 14:08):
小弟無言, 精彩萬分, 但願世界處處有公平

水晶晶

smuck141 發表於 2012-7-30 18:14
引言
法律之前，人人平等。
呢句老掉牙嘅說話，人人都識講。

精品文章!

schmid9394

smuck141 發表於 2012-7-30 18:14
引言
法律之前，人人平等。
呢句老掉牙嘅說話，人人都識講。

audi alteram partem

smuck141 註言 (2012-7-30 23:45):
"The other side should be heard"

mastertim

smuck141 發表於 2012-7-30 18:14
引言
法律之前，人人平等。
呢句老掉牙嘅說話，人人都識講。

大家討論假設性的問題,不應把問題極端化的情況作為典型例子來考慮,這樣會有失偏頗,具體地說:一個有明顯罪證的畐翁,他請再出名的星級大狀為他服務,能脫罪的可能性極低,反之也然,所以這些現象不應做為研究的主題,真正做為主題的應是大部份的案例,大家都知道會是有罪的證據不一定完全暴露的情況下必須做一判斷,尤其是涉及到商業活動的案子,這就讓星級大狀為有錢客戶提供了一個絶佳的服務機會:案子疑點利益歸於被告,這點也是我們的法律制度保護市民最關健的核心價值,無需你自己證明你無罪,在這些案例中,請一個有能力的星級大狀,將是被告人取勝的關健所在,而我自己也親身目睹了一場星級大狀的表演,以被告無罪結案,至於被告是否有罪,大家心中明白.

倫有

發帖很用心啊!

新.東方

有得揀都係唔好打官司...

smuck141 註言 (2012-7-31 23:28):
生不入官門，只會入雞場！！！

lawson.

mastertim 發表於 2012-7-31 07:03
大家討論假設性的問題,不應把問題極端化的情況作為典型例子來考慮,這樣會有失偏頗,具體地說:一個有明顯罪 ...

正如smuck所講
星級大狀當然有佢地的實力
如果唔係都唔會有人請佢
但同時唔一定平的就唔好的
以你所引的例子
其實嬴未於係因為個星級大狀
反而更有可能係後面辛辛苦苦, 擔擔枱枱果班junior
尤以商業案件, 由於文件量大, 所以好多時星級大狀都會要求juniot幫牛
亦係因為文件量大, 班星級好多時根本無時間睇
而佢的論點好多時基於班junior係reveiw完所提供的資料
所以有時功勞其實係班幕後juniot先岩

同時, smuck亦講中
一般齋睇報紙的人, 只會知道星級嬴幾多官司
但實際上佢地的得勝率係幾多
只有行內人知
所以, 星級並非一定好架

mastertim

lawson. 發表於 2012-7-31 10:26
正如smuck所講
星級大狀當然有佢地的實力
如果唔係都唔會有人請佢

看看某位香港星級大狀的第一助手與本人私下的一段對話大意,(注:他自己也是大狀多年,但至今41歲之齡,仍然跟著星級大狀打官司,暫且稱他為Ray, 星級大狀為Peter):

本人: Ray, 你都跟著Peter咁多年啦,我睇你基本處理哂d case 文件,Peter都好少掂d文件,都係等你brief俾佢聽,而且我睇你分析d嘢都好準確,點解唔自己開返檔嘢呀,你同各方面嘅關係仲好過Peter呀?

Ray: 你唔係行內人,唔會明白呢行有佢嚮專業上嘅巧妙之處,無錯,我自己開都得,事實上也有唔少師兄離開師傅自立門戶,但自從我自己獨立處理case 以來,我愈來愈發覺Peter對case嘅獨到見解同埋一d表面好像唔重要,實則好關鍵嘅point有非常敏銳的觸覺,真係針針到肉,如果以金錢來衡量佢嘅工作,95%係唔值呢個錢嘅,剩餘3%好多大狀都做到,最後嘅2%,全香港能做到嘅大狀唔超過5個,而好無奈,許多cases嘅勝負關鍵就在這重要嘅2%之分野.而個官就係因為無法令自己嚮呢重要嘅2%有清晰而且完整的解釋,造成佢無法將被告有罪呢棟大厦砌好,最後,導致被告無罪釋放.呢d觸角係需要時間同經歷慢慢浸出來的,自己慢慢摸唔係唔得,但跟住Peter,只要用心觀察,你會累積快好多.

我並非行內人,但我嘅工作性質令到我同行內人有密切接觸,我嚐試以客戶嘅角度來睇呢件事:天下間嘅junior都係負責擔擔枱枱,永遠扮演緊重要但不起眼嘅角色,而星級嘅論點我認為真係如Ray所講,有98%係基於助手提供嘅資料同d point,但最後嗰2%,係真係要佢自己發現一d別人無發現或認為唔重要嘅嘢,而事實係對case嘅勝負係好重要嘅.其實,真係稱得上星級大狀嘅全香港唔應該超過5個,有好多所謂一級大狀,但都係凡人一個,無甚過人之處,甚至有d我稱之為魚目混珠嘅大狀,真係不值一提.

lawson.

mastertim 發表於 2012-7-31 11:18
看看某位香港星級大狀的第一助手與本人私下的一段對話大意,(注:他自己也是大狀多年,但至今41歲之齡,仍然 ...

你所講的當然有道理
所以我一向唔否定某d星級大狀的存在意義
但正如你所講的, 得5個
咁因此而下判斷咪一樣係extreme case咩
所以原則上我仍維持同意smuck所講的野

smuck141

mastertim 發表於 2012-7-31 11:18
看看某位香港星級大狀的第一助手與本人私下的一段對話大意,(注:他自己也是大狀多年,但至今41歲之齡,仍然 ...

你咁講真係中正我想講嘅野
就係行內人當然知道邊個，邊個呃飯食
但係最大嘅問題係一般人並唔知道呢樣野
佢地有好多都真係見到報紙嚟嚟去去都係提嗰啲名
就因此覺得呢啲「星級大狀」死都可以拗番生
但係好可惜，以我嘅所知所聞
報紙成日提住嗰幾個，其實都唔係最掂嗰啲

lawson.

smuck141 發表於 2012-7-31 14:24
你咁講真係中正我想講嘅野
就係行內人當然知道邊個，邊個呃飯食
但係最大嘅問題係一般人並唔知道呢樣野

其實報紙好多事只講處理刑事案的星級律師
而忽略左民事的律師
因為真係好的, 並唔係好多人知

肥叔叔

smuck141 發表於 2012-7-31 14:24
你咁講真係中正我想講嘅野
就係行內人當然知道邊個，邊個呃飯食
但係最大嘅問題係一般人並唔知道呢樣野

但係好可惜，以我嘅所知所聞
報紙成日提住嗰幾個，其實都唔係最掂嗰啲

立法會果班星級 ?

smuck141

肥叔叔 發表於 2012-7-31 21:41
但係好可惜，以我嘅所知所聞
報紙成日提住嗰幾個，其實都唔係最掂嗰啲

嗰班全部唔掂 ... 我話嘅
佢地係元老級（除咗陳淑莊，佢都冇點PRACTISE過）
但係走咗入立會之後
完全唔擺時間做CASE
只係間中「客串」吓，「玩票」性質
咁你話佢地點會做得好？
能力上，我自己咁排（最勁行先）：
1 湯家驊（全盛期好SHARP）
2 余若薇（好口才，但係對啲對手好寸）
3 梁家傑（最正氣，好好人，但係冇乜料）
4 吳靄儀（上COURT似嗌交多過辯駁，冇乜生意）

肥叔叔

smuck141 發表於 2012-7-31 21:49
嗰班全部唔掂 ... 我話嘅
佢地係元老級（除咗陳淑莊，佢都冇點PRACTISE過）
但係走咗入立會之後

仲有D  鄭家褲, 土緊新 果D呢 ?

肥叔叔

smuck141 發表於 2012-7-31 21:49
嗰班全部唔掂 ... 我話嘅
佢地係元老級（除咗陳淑莊，佢都冇點PRACTISE過）
但係走咗入立會之後

唔怪得呢班人......要收USD GBP...........

個個都無乜正職收入  

smuck141

肥叔叔 發表於 2012-7-31 21:55
仲有D  鄭家褲, 土緊新 果D呢 ?

嗰啲係事務律師
冇機會見到佢地喺法庭雄辯滔滔

肥叔叔

smuck141 發表於 2012-7-31 22:09
嗰啲係事務律師
冇機會見到佢地喺法庭雄辯滔滔

原來事務乍........
見佢地對住鏡頭阿支阿左, 呢個唔岩 果個唔著
以為好大粒添

我同阿煩 454 手頭都好多呢類事務律師........ 做樓宇買賣

smuck141

肥叔叔 發表於 2012-7-31 22:43
原來事務乍........
見佢地對住鏡頭阿支阿左, 呢個唔岩 果個唔著
以為好大粒添

咁又唔好話事務「咋」
好多事務律師其實都好叻
而且好多大狀其實都好廢！！！

smuck141

煩惱 發表於 2012-7-31 10:55
學淫心話齋 ...... 天地有正氣 .....

呢個世界
個個都有私慾
淫心又點會例外呢
佢如果真係咁正氣
就留番盤生意俾啲真係識搞嘅人做
自己繼續做番個屋邨醫生啦
而家佢咪又係鍾意哂呢啲出風頭嘅事
去投吓地，舉吓牌，講吓「自己盤生意」
FAME，POWER，有幾多人可以坐懷不亂？
爭在佢冇冒一份假野出嚟呃人咁解啫