各位兄弟小心，我爭啲中伏

BOND007

呢個資訊唔知應該晌邊度出，但因為喺由澳門過珠海去東方皇朝水療試佢哋嘅新菜單，尤其是嗰項「澳門風情」嘅途中發生，所以我諗都算得喺「澳門」同埋「搵女」啦！

嗰日過咗拱北關閘行到差唔多萊魅力酒店出面，我前面有一個人跌咗一扎一百蚊美金落地，因為用銀行嘅透明膠袋裝住，應該喺一萬美金（即喺相當於差唔多八萬港幣），剛好跌正晌我左側嗰個人嘅腳前，佢即刻執起用件衫蓋住，因為我都睇到，我咪叫住前面個人囉！執錢嗰個人即刻扯住我，叫我唔好出聲，話卑一百蚊美金我，我冇理佢，繼續想叫前面嗰個人，執錢嗰個人即刻話卑我二百、跟住話五百，我心諗：「啋你都儍！」終於叫住前面嗰個人，大聲話：「你掉了錢！」跟住指住執錢嗰條友，話：「錢在他手裡！」執錢嗰條友想殺咗我咁款，我咪立即鬆人囉！

事後東方水療嗰個技師同埋其他囡囡話呢個喺騙局！

諗番上嚟又有可能，因為跌錢嗰條友行番轉頭嗰陣氣定神閒，一啲都唔似跌咗一萬美金嘅緊張反應。

個玩法喺咁嘅.....

騙子甲走在我及騙子乙前面

騙子乙走在我左側，同我平排行

騙子甲忽然跌咗一萬美金落地，落正我同騙子乙中間

騙子乙即刻執起，跟住同我講：「嗱！大家一齊見，唔好出聲，我分番一份卑你！」

如果我貪心嘅話就中招：「好！大家分！」

騙子乙：「呢度大街大巷唔方便，你跟我嚟！」

於是我跟住騙子乙嚟到一條小巷。

騙子乙：「拿，呢份你嘅，呢份我嘅！」原來冇一萬，只得七千美金，騙子乙話錢喺佢執到嘅，佢佔五，我佔二。

分好之後，騙子甲帶同幾條大漢凶神惡煞咁突然出現：「你倆個賊仔唔好走！還番一萬美金卑我！」冇錯，喺一萬！

騙子乙：「喂！大佬！唔洗咁惡！我呢份五千美金卑番你啦！」即刻閃咗！

騙子甲對大漢話：「算啦！有得佢走啦！攞番啲錢就算啦！」懶好人！

騙子甲跟住對我話：「兄弟！你嗰五千美金交番出嚟我就放你一馬！」吓！五千

我：「喂！大佬！嗰條友卑得我二千咋！」

骗子甲：「我啱啱响銀行攞一萬美金出嚟，你哋平分咗每人五千，嗰條友已經交番五千出嚟，你唔交，喺唔喺想打鑊金！」對住啲大漢：「兄弟！給我好好的打！」

卑人打完一輪之後，最後卑佢哋狎住去銀行提款！

ElectricShock

回復 BOND007 #1 的帖子

俾假錢你，找翻真錢俾佢lor

dun_hillz

進大陸 莫貪心 莫管閒事
最多幫忙報警

酷新丁

Possibly a scam, but still do not understand how it works for them to get any benefits.

BOND007

酷新丁 發表於 2012-7-21 21:03
Possibly a scam, but still do not understand how it works for them to get any benefits.

我都唔明，所以先攞出嚟討論

ynwa

非常簡單.
當你收左條友錢, 就會有第三個同黨捉你, 話你偷人錢.
之後, 當然是任人屈幾多就幾多.

所以, 便宜莫貪...

vivapangpang

跌$黨!!
香港都有, 小心+勿貪心!!

byakko

係大6, 真係乜Q嘢都有可能發生, 總知就樣樣小心啦~

xanthe_yau

敢奇? 點呃呢? 屈偷錢?

long1083

你真精明,如果落搭就會被屈

kenkenim

there's no free lunch. be careful wherever you go.

tqc2012

回復 kenkenim #11 的帖子

呢的成日見啦﹗總之時運高﹐當睇吾到﹗

Yellow_Page

你同佢講︰錢，我無咩？仲多過你呀！駛要黎呃你錢。

Naughty

跌錢黨電視也經常有報導, 係你先至信

newchuck

唔貪便宜起碼中小 d 伏 ...

mcdullpig

小弟在珠海未試過這情況
不過小弟一向在此地方都好似盲左聾左一樣
有人叫小弟都不文不問
小心為上

alan218

莫管閒事

shinggo

我明白師兄只係想做好心，但係真係要好小心啊！

ffuucckku

回復 Yellow_Page #13 的帖子

冇錯啊！！就系要咁樣講！

只求情趣

多謝師兄分享經歷!!!