費達拿本星期重登世界排名第一

CM3924 · 發表於 2012-7-17 19:58:34

瑞士網球王費達拿本星期重登世界排名第一位置，
以287週時間，正式超越前美國名宿森柏斯保持的舊紀錄，
成為最長時間「一哥」紀錄，現在由費達拿改寫了。

森柏斯祝賀費達拿說，對方在運動場上最困難的情況，
是長時期維持巔峰的位置。費達拿憑著無比鬥志，
雖然曾經因為傷患而個人狀態回落，但費達拿憑著實力證明自己，
可以再闖高峰，因此聯業網球總會亦高度讚揚費達拿是次驕人的成就。

費達拿同時擁有17個大滿貫冠軍，
成為歷來贏得最多大滿貫錦標的男網球手，
他的下一個目標，自然是在今屆倫敦奪取奧運金牌，
完成「金滿貫」，期望費達拿繼續努力，
再去成就一次又一次的大滿貫冠軍紀錄!

CM3924 · 發表於 2012-7-17 19:58:35

費達拿（Roger Federer，1981年8月8號—）
係瑞士男子職業網球手，亦係世界第一男子網球手
（贏2012年溫布頓網球公開賽之後）。
佢喺瑞士巴塞爾（Basel）附近嘅Binningen出世，
身高6'1"，體重177磅。喺媒體上有「瑞士快車」
（Federer Express）嘅封號，喺中國，
「費天王」、「奶牛」亦係佢嘅花名。

CM3924 · 發表於 2012-7-17 19:58:36

簡歷
費達拿嘅阿爸 Robert 係瑞士人，阿媽 Lynette 係南非人。
佢哋喺同一間製藥廠度做，喺一次生意差事中相識，
之後結埋婚。費達拿重有一個大佢兩年嘅家姐 Diana，
係一個護士。

費達拿嘅成長道路上嘅偶像係碧加（Boris Becker）
同埋艾堡（Stefan Edberg），之後最鐘意嘅球員係
森柏斯（Pete Sampras），呢啲都係單手反拍嘅球員。
喺語言方面，費達拿能夠講三種流利語言：德文（母語）
、法文、英文。
喺2000年嘅悉尼夏季奧林匹克運動會，費達拿識咗
女朋友Miroslava Vavrinec。佢亦都係職業網球球員，
喺2000年奧運會中同費達拿一齊代表瑞士參加網球項目。
佢哋喺2009年4月結婚。
2003年10月，費達拿開展以自己個名命名嘅男性化粧品事業。
2003年12月，費達拿晌南非成立費達拿基金會，
幫助貧困兒童（主要喺阿媽嘅家鄉南非），
以及促進世界青年體育嘅發展（主要係網球）。
2005年到2008年，費達拿連續四年得到「勞倫斯體育獎」
年度最佳男子運動員。2007年4月，瑞士為佢發行郵票；
瑞士好少為人物發行郵票，為在生嘅人發行郵票更加係少之又少，
可見佢晌同胞心目中嘅超凡地位。

CM3924 · 發表於 2012-7-17 19:58:37

奪冠簡介

2001年溫布頓網球錦標賽第四圈 7-6、5-7、6-4、6-7、7-5
擊敗1990年代嘅美國名宿森柏斯（係兩人職業生涯唯一
一次交鋒），破壞後者晌英國嘅31連勝紀錄，
一鳴驚人，堪稱佢事業上最大勝利。
後來晌八強以四盤輸畀英國球員漢文。

溫布頓網球錦標

溫布頓網球錦標賽

溫布頓網球錦標

2003年以21歲之年贏咗個人嘅第一個大滿貫錦標 —
溫布頓網球錦標賽冠軍，決賽贏澳洲球員菲臘普西斯
（Mark Philippoussis）7-65、6-2、7-63。

2004年喺四大滿貫男單賽事中贏咗三個冠軍，
係自1988年瑞典嘅韋蘭特（Mats Wilander）以嚟，
第一個晌單季中贏到三個大滿貫男子單打冠軍嘅球員，
亦係公開賽年代以嚟嘅第四位球員。

澳洲網球公開賽

澳洲網球公開賽

澳洲網球公開賽

2006年澳網贏到冠軍，係連續第三個大滿貫賽冠軍成為佢嘅囊中物，
係繼1993年溫網至1994年澳網嘅森柏斯之後嘅第一人。
在個人生涯嘅頭七個大滿貫單打決賽都贏得男子單打冠軍
（2003年溫網 - 2006年澳網），係自公開賽年代以嚟第一人，
紀錄到2006年法網決賽輸畀西班牙球員拿度（Rafael Nadal）
6-1、1-6、4-6、64-7先至完。

2006年美網贏到冠軍，實現美網三連冠，
平咗麥根萊（1979年到1981年）同蘭度（Ivan Lendl）
（1985年到1987年）嘅紀錄，重有望晌下一屆打破呢項紀錄。

2006年一年之內打入晒所有四項大滿貫男單賽事嘅決賽，
係自1969年澳洲嘅傳奇名將洛利華（Rod Laver）之後嘅第一人。

2006年繼2004年之後再一次一季之內贏咗三個大滿貫
男單賽事冠軍，係公開賽年代以嚟唯一一個兩次
攞到呢個成就嘅球員。

CM3924 · 發表於 2012-7-17 19:58:38

2007年澳網不失一盤贏到冠軍
（決賽贏智利球員干沙里斯（Fernando Gonzalez）
7-62、6-4、6-4，贏得佢第十個大滿貫），
平咗瑞典名宿波格（或者譯做博格，Bjorn Borg）
晌1980年法網上創造嘅「完勝」奪冠記錄；
同時亦係個人第二次連贏三個大滿貫錦標。

2007年澳網贏到冠軍之後，成為第一個晌三個
大滿貫賽事都贏過最少三次嘅男子網球員。

2007年溫網決賽苦戰五盤打贏宿敵拿度，
實現自波格（1976年到1980年）以嚟第一個溫網五連冠。

美國網球公開賽

2007年美網決賽三盤打贏塞爾維亞嘅祖高域
7-64、7-62、6-4，係自公開賽年代以嚟第一個
美網四連冠；亦都成就佢個人繼2004年、2006年
之後第三次一季之內贏咗三個大滿貫男單賽事冠軍。

由2005年溫網至2007年美網從未缺席過大滿貫男單賽事
嘅決賽，係連續十次晉級大滿貫嘅決賽，
打破1973年之前Jack Crawford保持嘅七次紀錄，
其間只係輸咗兩個法網冠軍（2006、2007），
到2008年澳網四強俾祖高域以
5-7、3-6、65-7 打敗先至斷纜。

2008年法國公開賽輸畀拿度，再喺大會將塊草皮剪
到丁咁短之下輸埋溫布頓同第一排名畀拿度，
係近年事業低潮。直到年底先贏返個美網，
係自公開賽年代以嚟第一個美網五連冠。

2009年法網決賽三盤打贏爆冷淘汰拿度嘅
瑞典球手蘇達寧（Robin Söderling），
第一次攞冠軍，做咗「滿貫王」。

法國網球公開賽

2009年溫網決賽用咗256分鐘，苦戰五盤以
5-7、7-66、7-65、3-6、16-14 打贏美國嘅
羅迪克（Andy Roddick），第六次攞到男單冠軍。
呢次係佢連續第二十一次晉級大滿貫至少四強
（由2004年溫網開始，成績是13冠、5亞、3四強）、
連續第七次晉級溫網男單決賽（由2003年開始），
並歷史性第二十次打入大滿貫男單決賽（超越蘭度）、
歷史性贏咗個人第十五個大滿貫男單錦標（超越森柏斯）
（其餘五次大滿貫亞軍都係輸畀拿度——拿度兩次攞到
大滿貫亞軍，兩次都係輸畀費達拿）；
同時響拿度手上重奪返失落咗四十六個星期嘅
世界排名第一寶座。

2009年美網連續第二十二次晉級大滿貫至少四強、
連續第六次晉級美網男單決賽（由2004年開始），
並第二十一次打入大滿貫男單決賽，
最終以五盤 6-3、65-7、6-4、64-7、2-6 輸畀
阿根廷球手德爾波特羅（Juan Martin Del Potro）
得到亞軍，美網六連冠夢碎。德爾波特羅係第二個
可以晌大滿貫賽事男單決賽打敗費達拿嘅球手，
亦成為第一個可以晌同一個大滿貫賽事連續打敗
拿度同費達拿嘅球手。

CM3924 · 發表於 2012-7-17 19:58:39

2012年溫網四強打贏當時世界排第一嘅祖高域，
殺入決賽對東道主球手梅利，最後以4-6、7-65、6-3、6-4反勝，
平森柏斯紀錄喺溫網七度封王
（但係森柏斯喺溫網男單決賽勝率係七戰七勝，
而佢只係八戰七勝），亦破森柏斯紀錄攞到個人第17個大滿貫錦標。
佢更加以30歲零335日之齡，成為自2003年阿加斯贏澳網之後
首名以30歲或以上年紀贏大滿貫男單嘅球手。
決賽之後一日公布嘅男單世界排名，
費達拿正式由祖高域手中搶返第一位置，
而佢做「一哥」嘅週數亦都平咗紀錄（285週），
意味佢亦將成為佔據世界第一最多週數嘅球手。

CM3924 · 發表於 2012-7-17 19:58:40

男單大滿貫冠軍（17項）
      澳洲  法國  溫布頓  美國
2003                   X
2004 X             X       X
2005                   X       X
2006 X             X       X
2007 X             X       X
2008                               X
2009          X    X
2010 X
2011
2012                   X