市建局旺角洗衣街項目邀意向書

ctedjack · 發表於 2012-7-14 00:25:52

市區重建局將於下星期一就旺角洗衣街（俗稱「波鞋街」）項目，邀請有興趣參與的發展商提交合作發展意向書。

洗衣街項目地盤總面積約為2,478 平方米，完成後預計可提供總樓宇面積約4,956 平方米作商業用途，以及提供約17,346 平方米用作興建約290個住宅單位。

市建局計劃在此項目中提供約一半數目的住宅單位為實用面積46.5平方米或以下（即約500平方呎）的單位，並在商業樓面部份加入體育用品商店元素，以強化當區專門出售體育用品的地區特色。當項目完成後，部分受影響的體育用品零售店舖可選擇遷回重建物業內以運動為主題的零售舖位繼續經營。

意向書必須本月23日下午五時前，送抵市建局總辦事處。

節錄自: 星島日報
波鞋街都留有不少港人既童年及青年時代既回憶, 希望政府活化該區域後, 新既波鞋街會比舊既更有特色, 最好更係繼續為市民提供各式各樣平靚正波鞋

454 · 發表於 2012-7-14 01:47:26

ctedjack 發表於 2012-7-14 00:25
市區重建局將於下星期一就旺角洗衣街（俗稱「波鞋街」）項目，邀請有興趣參與的發展商提交合作發展意向書。 ...

只有..回憶...
日後只會係同胞集中地.........

肥叔叔 · 發表於 2012-7-14 12:18:34

乜果度波鞋會平靚正 ??
大陸遊客區, 貴到嘔就真

namiatnahc · 發表於 2012-7-14 13:52:34

本帖最後由 namiatnahc 於 2012-7-14 13:53 編輯

煩惱發表於 2012-7-14 10:34
其實我對波鞋街冇咩特別感覺 .... 因為 5 覺得佢有咩凸色 ... 睇落好似好多波鞋舖好熱鬧 ... 但實際其實來 ...

完全同意, 行波鞋街好悶, 根本大部份都係同幾個集團經營, 行入去, 全部都同款, 同價!

整成條波鞋街都冇用, 就等如整一條超市街, 全部都係惠康百佳, 舖多有乜用, 又係俾啲霸權霸晒, 舊時街旁都有啲水貨舖仔, 而家都無晒!

乜都有霸權, 而家波鞋霸權都出現埋, 想買啲特別少少既鞋款都冇了! 格價, 根本唔駛格, 間間都"公價"發售, 如果你發現某對鞋有特價, 你會發現原來全條街, 嗰對鞋都係做緊同樣價錢既"特價"

講返將來, 有新既波鞋街商場, 咪又係果幾間波鞋霸權開晒旗艦店? 啲真係特式小舖, 邊度有可能搬到入去開舖?