老婆入中國籍失敗喬寶寶被迫撤出香港

Lineage · 發表於 2012-7-12 13:09:50

本帖最後由 Lineage 於 2012-7-12 13:19 編輯

[蘋果新聞報導]
老婆入中國籍失敗喬寶寶被迫撤出香港
香港特區護照獲144個國家同地區免簽證，可以話一本護照在手，世界通行，估唔到呢本護照竟然成為以誇張騎呢見稱嘅印度裔藝人喬寶寶事業同家庭嘅救命符。
喬寶寶噚日喺 facebook求救，話佢喺香港定居22年嘅老婆申請唔到香港特區護照，搞到喬嫂嫂唔方便經常去英國照顧患先天性脊椎神經問題、兼有過度活躍症嘅細仔，擁有居英權嘅喬寶寶焗住返英國坐移民監，放棄喺香港搵銀機會，瞬即引起唔少網民熱論。

喬寶寶喺 fb貼咗張一家三口嘅相求救。
搵平機會林煥光幫拖
喬寶寶同吳爽講，佢大仔明年喺蘇格蘭大學畢業，最唔放心係9歲有病嘅細仔，為咗呢個仔嘅成長，就賣咗香港層樓，諗住老婆港英兩邊飛照顧佢哋三父子，自己就繼續喺香港搵錢。
印度籍嘅喬嫂嫂今年2月向入境處申請加入中國國籍，以便攞特區護照，方便免簽證出入英國，點知唔批，又冇交代原因，「我都想知衰乜嘢，入境處以乜嘢指引審批，我老婆仲可唔可以再申請？」
喬嫂嫂家唯有用印度護照去英國，但只能逗留180日，而且每次進出要相隔至少半年，喬寶寶被迫去英國坐移民監。佢已經搵律師幫手，仲考慮向平機會求助，睇吓係咪同種族問題有關，唔知主席林煥光會點幫佢呢？
入境處就話，申請人放棄原有國籍同埋要定居香港，就可申請加入中國國籍。
吳爽聽聞今次喬寶寶兩公婆衰在一早向外宣稱舉家移居英國，所謂國有國法，家有家規，有關方面自然唔批。不過，喬寶寶唔使咁灰，喬嫂嫂仲可以再申請，但批唔批就另一回事。
喬寶寶睇完入境處覆佢嘅信件，話好想知自己衰乜。司徒世華攝.JPG

[東方新聞報導]
喬寶寶證妻長期居港
藝人喬寶寶乃土生土長的印裔香港人，不過與她結婚22年、一直居港的印度籍太太申請特區護照卻遭駁回。據知，政府以喬寶寶太太現時較多時間留在英國，並非以香港為永久居住地，因而拒絕批發特區護照。而按入境處資料顯示，外籍人士需在取得中國籍後，以香港為永久居住地方可申請特區護照，而其配偶及未成年子女亦需居於香港。

東方記者昨日致電喬寶寶了解，他表示有文件證明太太在1990至2011年期間在本港某公司工作，居港的22年間離港不超過兩年，他無奈表示：「要做嘅我都做咗，唔知應該點！」對於此事給網友拿來與雙非孕婦都可獲居港權作比較，他表示不想比較及影響其他人，他謂：「唔批我唔緊要，只希望其他外籍人士有警惕。」
喬寶寶對太太申請特區護照被否決感到無奈。（資料圖片）.JPG

[太陽新聞報導]
喬寶寶拒與雙非孕婦比較
在香港土生土長的印度籍藝人喬寶寶與結婚22年一直居港的太太，早前申請特區護照不獲批核。據悉，被拒原因是她並非長期居港，多數時間在英國，不符合申請要求。對此，喬寶寶表示與妻子於1990年至2011年在香港同一間公司工作，在港居住22年，離港時間不足兩年。對於不少網民將此事跟雙非孕婦作比較，喬寶寶指不想和人比較，他說：「要做嘅我都做咗，唔知應該點！唔批唔緊要，不過希望外籍人士會有所警惕！」
喬寶寶提到太太申請特區護照不獲批核一事，大表無奈。（資料圖片）.JPG.jpg