應否有資産查?

哈佬Hello

大家認為,政府應否通過 長者生活津貼 的申報制度?

歡迎大家辯論.

klmok1

既然是津貼，當然要申請，既然要申請，當然要符合要求，要求就是資產申報。

come1234

要求資產申報

B.Ban

回復 come1234 #5 的帖子

讚成資產申報！
如增加至五十萬會否少D人反對呢！

LUCLK

既然話係扶貧
自然要有個方法去分邊d人係貧

Vitokylam

讚成資產申報.

s63703399

金翅怒的鳥 發表於 2012-11-3 02:59
大家認為,政府應否通過 長者生活津貼 的申報制度?

歡迎大家辯論.

支持資產申報

adamscheung

不能亂用公帑...

哈佬Hello

審查 肯定不是 查三代!
只是用返原來65-69歲申報果套申報機制.上限和入息都係一模一樣.
有無聽過有新聞話 65-69歲老人呃生果金丫? 真係聞所未聞
其實各種case都已經有既定處理方法.

按照舊記錄,大概已有19萬長者都曾經申報過65-69歲的生果金,
已有個database記住晒呢19萬長者的資產.
這批人首年不用再申報,直接過戶.唔駛好複雜.

至於有其他從未申報過65-69歲的,
我認為政府原本就無預佢地一份,
所以計出大約只有30%老人家會得到雙糧.

不過亦唔排除有原本都有些少積畜的老人家用晒d錢,或者抄股票輸晒,之後要走去申報.
所以就要預大個額.由原本20萬擴大預算至40萬長者有機會受惠.

至於說成要查三代,有點無稽!

呢個問題,係睇大家接唔接受政府針對果30%老人加大生活津貼.

關鍵係大家係咪願意比多d洗用呢一班執紙皮維生的老人!

LUCLK

回復 op1b #9 的帖子

師兄提到　老人唔拎綜援係有骨氣　唔係乞丐　所以呢？？
每個人都有自己既選擇　佢覺得有能力咪唔拎　一Ｄ無能力既咪拎ＬＯ
唔好講到　拎既好似係一種侮辱咁．．．　學生資助都係要資審嫁啦
大家咪有需要咪申請ＬＯ　唔通學生門應該受恥？？

長者生活津貼, 目的為咩先???　　政府話幫助有經濟困難既老人家
以解燃（味）之急　咁點分　邊Ｄ有需要邊Ｄ無丫．．．
咁無資產既人係咪比起有資產既人有需要Ｄ？　如果唔係個個都比　呢Ｄ唔係扶貧
係派糖，　老一代想錯左　查３代既想法　唔代表要比個問題繼續落去　
政府應該加深宣傳　話比老人知係點資審
如果佢係唔需要２２００　亦都可以繼續拎本身果一千
如果照師兄話到佢地認為拎綜援似乞丐　拎津貼無遵嚴
咁你咩措施推出　點都要申請　政府比錢出黎既　佢都會有呢種感覺嫁

你話令真正有需要而又因為要伸報審查得唔到幫助
佢有需要又合乎資審　但因為佢主觀情感而唔拎
到底係邊個既問題？　如果佢係有資產但唔想用到果筆資產先既
又係邊個既問題？　無一個政策係可以照顧到百樣人既
呢個政策係ＦＯＲ　無咩資產　生活有困難既人
大家唔通唔認為呢Ｄ人需要幫助先咩？
慢必所講既　返份保安每個月拎７０００蚊　既老人家　或許佢地都好可憐
都應該拎到果２２００　但果Ｄ連７０００蚊一個月　又無咩資產既人
邊Ｄ需要幫助Ｄ？　

拎唔代表無尊嚴　唔拎都唔代表有骨氣
如果我地由得呢種　拎政府津貼就等如乞丐既思想風氣繼續
無論咩扶貧政策都無可能推出或幫到你所講既老一代

無資審就等如個個都可以有
呢Ｄ唔係叫針對貧窮　呢Ｄ叫派糖
派糖都係一次性　好Ｄ　長期對政府既負擔太大

五叔公

讚成資產申報

野狐狸

當然要申報啦.
現在係講緊額外津貼. 唔係政府錢多過頭對老人家分紅.
一件事還一件事, 如果要加大常規生果金, 請另開議題審議.

野狐狸

op1b 發表於 2012-11-3 21:22
回復 henryyu #14 的帖子

我想講, 有d老一輩想法, 就係怪嫁啦.....  9樓我都講咗, 政府如果真係怕比部份有 ...

政府唔係話怕左邊個, 亦冇話要扮好希望人人拍手掌.
否則只要好似上年度咁人人派6000咁就個個歡喜.
呢個計劃只係為有特別需要的人提供協助.
如果有需要, 但係性格又硬係要鑚牛角尖咁係個人問題, 唔可以事事都係怪政府, 講到自己一D責任都冇.

LUCLK

回復 op1b #20 的帖子

師兄提到　老人唔拎綜援係有骨氣　唔係乞丐　所以呢？？
所以咪有老人家唔去申請綜援, 依然自食其力, 拾紙皮菜頭菜尾過活囉....

大家咪有需要咪申請ＬＯ　唔通學生門應該受恥？？
所以依然有老人申請ＬＯ綜援囉....
咁你講黎做咩先得嫁？　

長者生活津貼, 目的為咩先???　　政府話幫助有經濟困難既老人家
如果只係幫助有經濟困難既老人家, 同綜援係唔係重疊咗呢 ?
２個方案既申請要求都唔一樣　而且呢個係專ＦＯＲ長者　唔係所有人
不過都係用金錢援姐　重疊既地方係一定有　但是否完全重疊或唔洗要都得　就唔認同

但因為佢主觀情感而唔拎, 到底係邊個既問題？
當然係老人家有問題啦..... 這正正就係老人問題囉.....  
正正係佢地因為覺得無尊嚴既問題
唔通免審咁去拎呢筆津貼就會拎佢地有尊嚴既感覺？

一係幫一係就唔好幫
都話一個政策係幫到部份既人　另一半可能幫唔到
但唔等如唔應該實行　跳落水你可以９一個人　但９唔到另一個
唔通就唔９？　扮唔扮係你地講政府既

如果推出一個政府係幫到部份老人家　我都覺得呢個政策係可以推行
如果政府係要扮好人　就一次過派哂比所有老人家啦

一個政策係需要有針對性
如果樣樣野都好似你咁話比多少少　無所謂啦
你一係唔搞　一係就比哂　咁針對性既政策唔洗要啦

令真正有需要而又因為要伸報審查得唔到幫助
呢Ｄ係需要社會既努力　如果一個老人家係需要幫肋　但因面子問題
而令政府幫唔到佢　呢個係好遺憾既事　但呢個問題唔係政府所能解決
唔設資審　會令佢地拎得更有尊嚴？？

如果係因為尊嚴問題而唔去拎
我覺得唔係因為個資審　如你上個貼去講　係因為唔想拎政府錢好似乞丐咁　因為仲有能力
所以資審唔係令到佢地　唔拎既重點　

哈佬Hello

op1b 發表於 2012-11-3 21:51
回復 henryyu #21 的帖子

唔固執, 會申報果班, 都食緊綜援啦.... 多2000蚊用, 咪係锦上添花

你呢句: 會申報果班, 都食緊綜援啦! 係大錯特錯~ 與事實完全不符!

以現時65-69歲果班為例:
有15%拎綜緩.
有30%拎生果金. <<唔固執
有55%無拎任何東西. <<少部分係勁固執 (估計1%~5%,明明夠資格,都唔去攞生果金)

勁固執而又夠資格果d,係需要子女朋友去說服佢,可以搵社工幫手.
都唔係呢個制度要考慮的因素!
無理由因為1%~5%的老人家因為固執,而令到全民派糖.或者取消整個計劃,害30%老人少咗應有的福利.

你講的錦上添花係另一個project,係之後搞的全民退休保障,無二三年都頃唔掂.

(p.s.上面這圖只是當時一個建議,不是承諾,要搞清楚.唔係咁易推行的!)

peter2011

贊成資產審查, 但上限可訂高一D, 如果冇審查, 不單你, 我現在要付鈔, 隨着本地人口老化, 下一代仲大劑!

紅辣椒

作為一個長遠政策梗係要申報啦，假如唔駛申報，
就算今日政府仲頂得順，過多廿年人口老化比例加重，
到時都唔知邊到變錢出黎.....
咪講話到時先修訂呢D ON9野，福利既野比咗出黎，
要收番就難過登天！

紅辣椒

op1b 發表於 2012-11-3 21:44
回復 henryyu #21 的帖子

有部份老人就會多幾份固執, 部份更加會反老還童, 千奇佰怪都有.  有些你問多佢幾 ...

根據閣下論點，既然果班人咁固執，有冇資產審查佢地都唔會申請去拎架啦，
呢樣野已經變成唔關呢班人事，冇佢地份！
要審查，佢地唔會申請；唔審查，佢地一樣唔會申請，
所以呢個唔可以算係反對資產審查既POINT........

chiolo

當然要伸報， 不過限額要放寬一d, 如自住物業不計。

哈佬Hello

我計條數大家睇.
2011年人口普查的常住居民中,70歲以上有538693人 65-69歲有223563人 60-64歲有390638人,55-59歲有492002人,
60以上合共1152894人 (65~69佔60以上人口的19.39%, 70以上佔60以上人口的46.72%)
按這比例估算2012年的常住居民,70歲以上約有556693人 65-69歲有256978人 60-64歲有410910人
60以上合共約1224581人 (65~69佔60以上人口的20.98%, 70以上佔60以上人口的45.46%)
按社會福利處2012年9月計  81188人拎要審查生果金  449295 拎高齡生果金  
60歲以上拎綜援185140人 其中65~69組別20.87%,就是38639人; 其中70以上組別45.46%就是84164人拎綜援 (此數據待修正)

65-69歲有256978人  38639人(15.0%)拎綜援  81188人(31.6%)拎要審查生果金 137151人(53.4%)無申報資產
70歲以上有556693人  84164人(15.1%)拎綜援  449295人(80.7%)拎生果金 , 23234人(4.2%)無拎生果金或綜援

到底這449295拎開生果金的70歲以上老人,有多少會申報資產和入息,然後去拎2200?
範圍最少是556693人的31.6%=175915人(按政府公佈是19萬已曾經申報), 最多是80.7%即449295人

按照常理來推測, 初期會有40%~70%會願意申報, 即是22萬~39萬人.
每人每年多用13320元, 即是每年要多花30億~52億 (現時高齡生果金開支是72.8億)

估計明年實施之後,得到一個準確數據,
就可以把整體生果金計算的18.6萬限額,決定提高多少.令到更多人受惠.
又或者把所派金額提高到3000元,等同綜援水平,令到綜援和生果金合拼.唔駛人再簽衰仔紙.


補充內容 (2012-11-4 22:21):
長期以來,政府安排老人福利,無一個方法去分開這80%拎高齡生果金的老人,想多派一些給較貧窮的,都係無可能.
以2010年為例,政府是每人派3000元及額外2個月高齡生果金, 當中未能夠按貧窮線去因應派到較貧窮的老人手裏. 浪費不少庫房開支.