又到 64

大頭的Qoo

巨大狗大 發表於 2018-6-6 20:15
哈哈，非常好的比喻，只有儍仔才信。

關於64, 由開始全面封鎖新聞, 後期內地完全禁言...  到二十幾年後就有新版本新聞, 為官方平反.   二十年後先有新記錄片出土....  我就粒水啦.

sunlikwong

回復 kamtaigan ##1 的帖子

kamtaigan師兄:

小弟正正係正64嗰日番左國內玩, 享受左幾日64事件零言堂o既旅行. 係國內上唔到141網, 尋日返港先睇到師兄對小弟o既提點.


31樓

師兄係31樓所講o既對64事件睇法, 又係嗰D民主不可過急, 美帝亡我之心不死, 聽唔少喇, 唔好以為好多人都唔知道. 師兄完全相信呢D講法, 係你o既自由, 不過, 我亦都聽過另外一些講法, 好似反貪腐, 黨內鬥爭, 用國外矛盾轉移國內矛盾等等o既講法, 對於呢D講法, 我諗師兄都會好似小弟咁o既反應: "咩又係嗰D呀, 聽唔少喇."  至於信邊種講法, 人人有佢o既自由.

從64事件之前發生o既追悼胡耀邦, 反貪腐, 小弟一直都有關注, 並唔係只知有64嗰一日, 亦唔會盲目相信學生各種訢求同埋贊同佢地o既所有行為. 我相信好多人都唔係好似師兄猜測咁, 淨係知道64嗰一日, 淨係認為中共全錯. 師兄唔好自以為, o係64事件同你意見唔同o既人, 就唔留意國內其他事, 大把人留意國內事, 只不過諗法唔一樣, 不過, 唔一樣唔等於唔知或者無知.  咁我都明o既, 唔少同你有唔同睇法o既人, 又會掉番轉頭覺得師兄唔知或者無知一樣啫.

至於師兄話, 睇埋三月初報紙, 就知 "起(是?)否中共全錯". 其實唔使睇都知, 有咩事件可以係一方咩都錯呢? 要全錯先得, 師兄對中共都幾嚴正喎! 既然唔係全錯, 仲要求平反64? 仲要忘記唔到64? 師兄對呢班人又幾寬容喎!  唔通小弟又要問師兄一個無聊問題: "嗰班學生全錯咩?" 咁先顯示小弟對64 o既睇法更公正嚴明? 了解比你更多? 我諗師兄都覺小弟玩野喇.

係唔係全錯? 係唔係全對? 我諗唔係重點卦? 師兄唔使不斷反覆講喇.

再講多一次, 小弟從來都冇要求過平反64事件, 小弟從來都冇完全認同或完全否定任何一方. 小弟話自己到而家都忘記唔到64事件, 唔係因為唔知6月4日之前發生o既事, 反而掉番轉, 主要係因為知道 64 發生之後o既事, 例如我就忘記唔到袁木o既發言, 忘記唔到國內對事件討論o既封鎖, 零言堂, 忘記唔到曾經被吹捧上天, 跟住走左路去外國o既學生領袖, 忘記唔到走唔甩o既, 跟住o係國內坐監o既學生領袖..... 咁容易忘記左, 又點去討檢呢?


32樓

師兄勸戒小弟用平常心去睇, 咦! 咩咁熟面口o既?  師兄又嚟喇.

師兄提醒小弟用平常心, 你自己係31樓話: ''我今近八十了，當時四五十年代，被外國人凌辱，現今中共續步向前，外國人都要臣服，向中國討好，學習，美國是一個霸權國家，自認國除警察，四處點火，它最怕申國強大，處處出難題，送一個和平給××使中國不妥。" 師兄咁不滿美國, 你有冇提醒自己用平常心去睇呢? 你可以, 小弟就唔可以? 師兄好似有D倚老賣老, 食鹽多過我食米o既口氣, 不過小弟相信用邏輯去睇問題, 好多時唔係講年紀o既, 更加唔需要平常心. 邏輯犯駁就係邏輯犯駁. 小弟就經常犯錯, 要成日提自己唔好冇邏輯. 不過都多謝師兄提點o既.

至於李卓人係咪大奸九? 小弟就咁睇, 我絕唔會話同64事件冇關係, 冇64事件, 就冇64相關o既捐款, 但佢點樣處理64捐款, 同點解會發生64事件似乎無關. 我諗唔應該影響大家點判斷64事件.

有人, 包括師兄, 有懷疑佢, 要問責, 係好事. 不過咁, 我諗亦有唔少人會懷疑有人故意抺黑, 政治就係咁, 最好就係好似梁振英前特首咁, 實牙實齒咁話有外國勢力介入香港o既証據, 不過就唔好學佢咁仁慈, 到而家都收收埋埋.

小弟只係食古不化, 到而家都忘記唔到個件事, 言辭之間可能會過火, 甚至失言, 但未至於火遮眼, 師兄提醒用平常心去睇, 呢樣野就互勉喇!