豪華入門两廂車——DS 4S

張家輝 · 發表於 2016-11-20 20:52:45

髮廊公發表於 2016-11-20 20:24
真係唔明，我俾錢包二奶、嫖妓，都係想佢地令我 happy 啫，幾時有人見過大劉要 tum 女架？

開 ...

而家好興果款米國動車o岩唔o岩你口味？

髮廊公 · 發表於 2016-11-20 21:02:40

張家輝發表於 2016-11-20 20:52
而家好興果款米國動車o岩唔o岩你口味？

師兄，你指係 Tesla？屋企同公司附近好多人用，主要問題係充電麻煩，如果香港好似深圳咁，隨便駛入去政府設施都起碼有四、五個充電器任你充的話，相信會吸引好多、好多人換車。

至於我？架 Lexus ES200 落地 8 個月咋，冇藉口俾自已換車。

google22 · 發表於 2016-11-20 21:35:32

本帖最後由 google22 於 2016-11-20 21:56 編輯

回復張家輝 #17 的帖子

快意 5支筷子. 愛快164 後來港代理改為168曾是平靚正代表.

致：快意汽車總裁
以下是我擁有快意Coupe 16v Turbo的經歷，希望閣下可以騰出寶貴時間作出回應。
於某年端午節在香島道塞車，水溫錶上升至紅區，在讓車處停下等待拖車；在狂風雨下水撥失靈，只能放在天水圍西鐵站路旁；灣仔橋上塞車，油壓警告燈亮起，原來（偈油）已漏滿一地；右尾迫力油路淤塞，在屯公煞車時車身有輕微轉右的不正常動態；極力子分泵漏油，在停車場出車踩下極力子腳踏彈不回來；在新浦崗停燈用手機發短訊分心撞凹頭冚，之後開去維修時又因頭冚扣不緊而在時速70km/h時被氣流吹起，拗斷頭冚鉸；因為前轆有原裝限滑差速，在大帽山川龍附近轉彎時踩油一不留神扯入彎內，撞凹輪圈；擺放半年後，在家中著車時，時帶走位令氣門撞損；舊山頂道落斜時死氣喉因接駁位銹蝕而跌落拖行；再加上指揮燈只有打右燈有反應，電窗不上不落，氣袋警告燈間中亮起，三次因電油錶不準，在公路上死火，甚至要推車至油站，車齡六年發電機已沒有輸出，因turbo壓力不足而油耗上升，維修好之後又因引擎警告燈長著引擎乏力，同樣都沒有車房肯收留她跟進……
雖然如此，我也開了她十四個年頭，一起經歷了163,148km，可是今天我十分傷感，因為終於決定讓這一架最美麗的黃色意大利快意Coupe 16v Turbo離開。雖然這十四年內曾經開過很多其他車，但通通也及不上她分亳，可以算是最能留在我心的、最出色的FF車。
這天我小心地為她洗淨車身，朋友掛上試車牌帶她行最後一程，她的引擎亦沒令人失望的一扭匙點火即時精神起來，生硬的輪胎咕嚕地向前轉動；車影漸漸遠去，街角一轉便別了，縱使手執相機，也捕捉不了往日的光彩。
作為一個小小的快意車主，我全心全意地希望你可以盡快推出下一代的Coupe，可以盡快彌補我心中的一個空缺，為香港的快意車迷帶來新的喜悅。
永遠支持快意的車主上

張家輝 · 發表於 2016-11-20 23:14:00

髮廊公發表於 2016-11-20 21:02
師兄，你指係 Tesla？屋企同公司附近好多人用，主要問題係充電麻煩，如果香港好似深圳咁，隨便駛入去政府 ...

舒適穩重o既好車，款式又新，有排玩啦~

張家輝 · 發表於 2016-11-21 01:19:47

google22 發表於 2016-11-20 21:35
回復張家輝 #17 的帖子

快意 5支筷子. 愛快164 後來港代理改為168曾是平靚正代表.

睇完 coupe turbo o既故事，我分享一下其中一項，我都有經歷過踩下極力子腳踏冇彈番上黎，正確D黎講，係踩極子踩到底時，聽到輕微一下"噗"一聲，之後腳踏就冇彈番起喇。
同樣情況，我發生過3次，每次都係同一個問題，發生第3次時最後我已經可以自己配零件自己搞番掂~
當時部 Fiat o既極力子係好機械式果種腳踏拉動威也o既系統，條威也於車箱穿過引擎倉的位置有個轉駁位，當果個位置前後兩邊冇上得穩固及對位時，車一路行多少都會有D震動，當該位置有多少虛位時，震動就會對該轉駁位做成金屬疲勞，日子耐左個轉駁位就會"噗"一聲斷開，拉動極力子o既威也就等於斷開左一樣。
只要去原廠配番由腳踏掣到轉駁位果段，然後拆開整個錶板下半部份，煎起晒前客位果邊o既所有地氈同隔熱綿，要自己動手更換其實唔太難~
問題係，以後每當踩極力子時就要好細心留意，如果踩到底時感到腳踏有微微震動，就要拆開到該位置睇睇，要對個轉駁位做番D微調，否則又係遲早一日"噗"一聲~

小D心機都唔長久~