【一周必看】校規禁講廣東話 博士校長媚外真可怕

pk12345001

sunlikwong 發表於 2016-7-22 18:11
回復 pk12345001 #1 的帖子

師兄,

師兄

1.  你都講得好清楚啦，英文中學, 但學校係以中文為主要教學語言。學校有違佐家長原先期望，同埋係你個朋友(家長)去質問學校。
   點解師兄你(外人)又唔去質問間學校呢?
   而家崇真小學暨幼稚園(小學部)情況係名不符實咩?
   好多家長揀呢間學校就係為佐英文同普通話。
   如果呢間小學掛住英文小學同普教中既羊頭，賣廣東話教學既狗肉。
   我相信好多家長會好似你朋友咁去質問學校。
   而現在班炮轟既網民就會撐學校，指責家長係怪獸家長。你信唔信會有咁既結果呢?
   
2. 我覺得中小學向家長學生解釋佢地既教學理念，就足夠啦!
   唔通今日唔知咩人來質問，學校要去解釋;聽日唔知咩人又來質問，學校又要去解釋?
   可能師兄你覺得中小學應該向全港市民去介紹佢地既教學理念，都未定。
   如果你仔女要報讀學校，咁你就會事先去搵心儀學校既資料，或參加心儀學校既簡介會。
   你會唔會問曬全港學校既教學理念呀?

4. 我無話過你批鬥喎，令師兄誤會，呢度講聲"對唔住"!
   理性討論當然無問題，不過要搞清討論既方向。
   "母語教學"，"英文教學"，"普通話教中文"呢D係教育政策，社會可以對呢方面去作深入討論。
   但針對某間學校，而對校長作人身攻擊，就過份了。
   你睇下樓上D人兄，連"千古罪人"都出埋，你又會唔會覺得呢D係討論呢?

winwin14

pk12345001 發表於 2016-7-22 16:13
唔好舉D 9唔搭8既例子得唔得?
香港係有食品安全條例，唔係你講明食物有毒，就無法律責任。
餐廳係有責任 ...

有幾9唔答8 姐 呢個係例子 你就當係真 哈哈
如果係真既 大陸殺人夠有死刑啦 但有錢就無罪 你又吹佢唔脹喎

的確係害死佢地 有學生感到有問題 ..
http://www.symedialab.org.hk/tal ... %e5%b0%88%e9%a1%8c/
節綠一段比你睇

(你喜不喜歡用普通話學中文?)周詠欣：我不喜歡用普通話學中文，(為什麼呢？)因為我不想變內地人，因為我又不是內地人，為甚麼要說普通話呢。(除了這個原因呢？)因為說普通話很煩，因為很難講，又要拼音，又要說，又要把字連在一起，很煩。

有學生表示不喜歡以普通話教授中文，但亦有家長認同用普通話學中文有好處，周詠欣的媽媽周太指，普教中可讓學生多學一種語言，達到兩文三語。

佢呀媽就想佢入 咁就強迫入左 將來多幾十間呢d學校係唔係害死細路呢?
呢間係英文中學黎架 唔係國際學校 你搞清楚未架?

咁入面既no cantonese 係咩黎架? 回復星島姐 咁蘋果呢? 未有回復喎
唔岩就要講架啦 有學生係感到有問題喎 講明係難以學習 佢可以選擇? 係唔得囉

洗鬼返大陸咩 知唔知邊個叫李剛? 個仔車死左人佢講乜 ?
如果大陸學校咁好 班大陸人就唔洗落黎香港讀書啦
睇黎你對大陸仲未太了解啦 睇多d大陸黑心新聞啦
http://wiboyn.pixnet.net/blog/po ... 0%E8%A6%BD%E8%A1%A8

大陸人惡行
http://www.discuss.com.hk/viewthread.php?tid=13202605

http://www.discuss.com.hk/viewth ... esc=DESC&page=1

只係識落黎搶奶粉 搶學校 呢D就係我成見? 錯啦係事實
香港起碼暫時冇李剛呢D細路仔 唔係一個星期香港就死得

jazz_chow

樓主, 你簽名像係咪係<富貴逼人>呢套戏里面既標叔同肥姐?

sunlikwong

回復 pk12345001 #1 的帖子

師兄,

1.  小弟舉我朋友o既例子, 係想指出開宗明義, 可以因為名不符實或其他原因, 家長有懷疑, 佢地有權去質問. 當然, 假如其他外人有懷疑, 亦有權去詢問, (呢點小弟舉例時, 確係冇講清楚, 係小弟表達得唔好啫). 校方亦應該有責任去解釋.

呢個例子係回應並想說明, 校方並非如師兄在57樓所說, 開宗明義就唔使解釋. 個例子唔係想影射或懷疑崇真英文小學o既狀況, 只係想指出開宗明義都要解釋. 更加唔係如師兄所講, 小弟冇去詢問, 仲唔係證明外人冇權 (呢方面係第4項再作解釋)?

2.  即使學校名符其實, 受萬千家長擁戴, 咁又同小弟認為我即使係外人, 都有權去評論, 詢問, 有咩關係呢? 學校受家長愛戴, 其他人就唔應該出聲? 普教中應該唔係等於不淮講廣東話啩. 師兄認為校方有權咁做, 家長可以接受, 我亦都冇講過話唔得, 但即使我係外人, 我唔係家長, 校方有權咁做, 家長有權唔去質疑, 我質疑一下都唔可以?

3.  係57樓o既第5行, 師兄就話: [人地家長都未出聲, 班網民又炮轟D咩先.] 似乎師兄認為家長都未出聲, 班網民就冇權去炮轟, 而完全冇考慮有其他外人有其他疑慮, 就用家長唔出聲去阻隔其他人o既質疑.

師兄最後又話: [討論還討論，但唔好批鬥囉! 討論的重點應該係英文教學或普教中既好壞，而唔係去批鬥個校長媚外真可怕!] 網民可以討論, 咁即係關唔關網民事呢? 被師兄認為係批鬥校長嗰班網民, 如果發帖話: 我又唔係話你地, 關你地呢班外人咩事? 我一樣唔同意唔關外人事. 師兄可以討論, 批評佢地.

4.  我提出o既例子, 師兄就話小弟自打咀巴, 因為小弟朋友係家長, 唔係外人, 而我又冇去質問.

師兄想指出: 我唔去質問, 就等同於承認因為唔關我事/係外人, 所以冇權去問.  

小弟確係冇去到查問, 但冇去查問, 唔等同於我唔可以去查問.  師兄唔好混淆呢兩件事.  冇去做就等於承認左係冇權去做.  咦! 咁做左呢? 做左係咪就代表宣示有權去做?  

咁而家呢班網民/外人係網上已經炮轟左, 唔通就等於佢地有權去炮轟? 師兄梗係唔會咁認為喇, 我都唔會, 因為呢D咪就係混淆視聽o既講法.

我就咁睇, 即使我朋友問完, 佢又冇話個解釋俾我知, 假如我作為一名非該校家長, 想了解多D來龍去胍, 我絕對有權去查問同樣o既問題, 我認為學校都有責任回復或解釋.  校方有冇解釋係佢地o既做法, 我滿唔滿意解釋, 更加係另一個問題. 佢地唔解釋, 解釋得唔好, 甚至我扭曲左佢地o既解釋, 唔代表我地冇權去問.

5.  至於班網民係咪批鬥? 係咪真心去討論? 我冇睇過, 所以係呢個主題o既所有回帖, 我都冇發表過呢方面意見.  我回帖只係想討論外人有冇權啫.  師兄絕對有權去批評佢地批鬥, 甚至批鬥佢地, 至於樓上話人係千古罪人o既人兄, 係唔係討論, 小弟亦都冇發表過意見, 師兄就回帖問小弟佢地係唔係討論? 小弟認為外人有權去討論, 同佢地係唔係討論, 好似又係兩回事喎, 師兄認為有一D人唔係討論, 咁其他所有人都唔可以討論? 如果師認為係討論就冇問題, 咁即係關唔關外人事呢? 可能師兄只係想同小弟討論下佢地係唔係討論啫, 不過小弟始終關注o既係, 外人有冇權去討論.

6.  等小弟列出一D次序: 十四 - 十六樓, 二十二樓, 二十四樓, 二十六 - 二十八樓, 三十六樓, 五十七樓 (次序用中文字, 因為發帖唔可以用連續數字)

十四 - 十六, 二十二, 二十四, 二十六 - 二十八樓, 係師兄喺呢個主題初時o既回帖, 跟住就到小弟係36樓提出覺得奇怪o既回帖, 亦即係小弟係呢個主題第一個回帖, 小弟睇唔到師兄係36樓之前有指出呢班網民批鬥o既說法. 我亦冇批評, 批鬥呢間小學/校長, 更加冇支持或反對果班網民o既論點. 小弟只係想指出外人都有權去討論呢間小學o既教學. 呢班網民係外人, 小弟都係外人.  

然後師兄就喺57樓回小弟36樓o既回帖: [討論還討論，但唔好批鬥囉! 討論的重點應該係英文教學或普教中既好壞， 而唔係去批鬥個校長媚外真可怕!]

咁可能我係57樓之前睇師兄o既回帖, 睇唔夠細緻, 又或者睇漏左師兄批評果班人批鬥o既發言.  又可能我又唔夠醒, 唔識從D名字或字眼就知全豹. 小弟唯有再睇一次, 都係睇唔到, 直至師兄係57樓問小弟.

師兄咁跳脫式o既回帖, 恕小弟真係跟唔到.

7.  討論問題時, 誤會經常會發生, 可能係小弟表達時唔清晰準確啫. 又可能我又誤會左師兄, 我係呢度又講聲"對唔住"!

小弟回帖又長又噚氣, 因為怕自己表達唔清楚, 各師兄見諒.

winwin14

問問又看看 發表於 2016-7-23 11:20
以後要用精神溝通.

係呀 講真學習都有影響啦 點解要被迫咁做?
佢地又聽唔到老師講乜 舉手更冇可能

simontonysoup

sunlikwong 發表於 2016-7-23 14:05
回復 pk12345001 #1 的帖子

師兄,

好似師兄咁多字嘅帖子，又唔係剪貼嘅，小弟都係第一次在4台看到。
真心俾個like師兄，佩服閣下鍥而不捨及認真態度。
閣下同pk師兄都係講道理嘅人，如果有多D咁嘅師兄出帖，
呢度就唔使咁沉悶咯。

pk12345001

winwin14 發表於 2016-7-23 02:52
有幾9唔答8 姐 呢個係例子 你就當係真 哈哈
如果係真既 大陸殺人夠有死刑啦 但有錢就無罪 你又吹佢唔脹喎 ...

無邏輯，無理據的例子，就係9唔搭8。
你自己舉的例子，反倒過來話我當係真。你都幾搞笑喎!

(你喜不喜歡用普通話學中文?)周詠欣：我不喜歡用普通話學中文，(為什麼呢？)因為我不想變內地人，因為我又不是內地人，為甚麼要說普通話呢。(除了這個原因呢？)因為說普通話很煩，因為很難講，又要拼音，又要說，又要把字連在一起，很煩。

你舉既呢個例子，又係可以無限延伸。

(你喜不喜歡學英文?)XXX：我不喜歡學英文，(為什麼呢？)因為我不想變外國人，因為我又不是外國人，為甚麼要說英文呢。(除了這個原因呢？)因為說英文很煩，因為很難講，又要串字，又要說，又要學文法，很煩。

所以依照你的邏輯，學英文係害死佢地。

佢呀媽就想佢入 咁就強迫入左 將來多幾十間呢d學校係唔係害死細路呢?

有小朋友好討厭返學，但佢阿媽就迫佢地去返學。
依照你的邏輯強制教育係害死細路，應該讓細路自己選擇?

你又搞清楚未呀?
崇真小學暨幼稚園(小學部) 係私立小學呀!
英文小學兼普教中，要求校內講英文及普通話。有咩問題先?

"no cantonese" 係崇真小學個校長講的。
回覆《星島》果單係大埔官立小學校長，兩單野來架，大佬!搞清處先啦!

大埔官立小學校長係咁樣回復《星島》的 "每級只設有一班普教中，入學時視乎家長意願抽籤，又指沒有強逼學生以普通話交談"
唔通你認為同一個人就同一個問題回復兩間報館，會有兩個截然不同的說話?

香港每年也有不少學生去外國留學，
照你的邏輯:香港學校咁好 班香港人就唔洗去外國讀書啦!


內地黑心新聞，我看不少。當中有真有假。唔知你係照單全收，定會用腦去分析呢?

內地人的確有不少人的行為很差劣。
但以我的觀察，人家在進步中。尤其那些大城市。
其它的不說，就以我們隔離城市深圳來說，
深圳在交通工具讓座風氣就比我們好。
當人家在不斷地進步的時候，香港人在忙於做咩呢?

搶學校?班細路係有香港出世紙香港居留權，在香港讀書，不是天經地義嗎?怎麼可以說搶學校呢?
你要怪，就去怪幫助佢地爭取居留權的那班人，還有判決佢地有居留權的假髮人。

"香港起碼暫時冇李剛呢D細路仔"
但香港有肢解父母的黃屍人......

pk12345001

回復 sunlikwong #65 的帖子

多謝師兄咁認真的態度，小弟拜服。
看完師兄的回貼，小弟歸納為兩點。
1. 開宗明義都要解釋
2. 外人有冇權去討論

1. 再以師兄朋友果件事為例子。
   如果師兄朋友個仔讀的英文中學，上課時，係以英文為主，唔知師兄既朋友又會唔會去質問學校點解上堂係大部份用英文講課，而唔係中文呢?
   名不符實，去質問，合情合理;名副其實，又去質問?會唔會覺得很奇怪呢?
   希望師兄你能明白呢個邏輯。
   
2. 外人有冇權去討論，在這個觀點上，我不跟師兄去爭拗，因為以師兄的邏輯，這世界上沒有其他人不能討論的事情。
   不過小弟希望師兄你能明白討論、評論、詢問同質問、質疑、炮轟的分别。
   我以米國沒有槍械管制為例，
   米國沒有槍械管制這件事，遠在香港的網民能不能討論?當然可以討論。但關不關我們的事?顯然一點也不關我們的事吧!
   如果全部米國國民都支持槍械不應受管制，那我們這班香港網民又能怎樣呢?去炮轟米國政府為什麼不管制槍械?要米國政府出來解釋?
   然後米國人一句話，我們就無言以對，"呢D係我國既事，關你地咩事?"

其實我們兩個的爭論，歸根究底就是態度兩個字。
師兄有意你的仔女入讀某間學校，師兄當然可以去詢問了解那間學校的情況，辦學理念、教學語言、校風如何?
學校當然可以向你介紹學校的情況，師兄了解情況後，再考慮讓不讓仔女入讀。這樣合情合理。
但不代表師兄可以去質問間學校，點解你地既辦學理念係咁樣?點解你地既教學語言係英文而唔係廣東話?
既然師兄都認為學校有權咁做，但又要去質疑學校點解咁做，這樣的邏輯也是怪怪的吧?
我的意見是:這個質疑還是留給家長去判斷，去選擇吧!
如果間學校持續收生不足或嚴重收生不足，學校自然會去改變，不需要你我操心。

香港是自由社會也是多元化社會，不同的辦學團體，不同的辦學理念，不同的教學語言，讓不同的家長為他們的子弟選擇合適的學校，這不是一件好事嗎?

另外，這個貼子由標題，到樓主既評論，再到其他師兄既回貼(師兄你回貼之前)。
除了意識形態之爭，我真的見唔到在討論緊咩?
我在這貼文中的回復也是針對主題跟其它回貼，希望師兄你能明白。

winwin14

就當係真 咩叫無邏輯 大陸成日有黑心食物架啦? 乜你覺得一定唔會發生?
唔一定係有毒 但講明有虫咁得未? 香港如果變成大陸咁 出現呢d食物跟本隨時發生

喂你睇清楚D先啦 又當係例子呀? 成1點都未訓醒 定係你想講我舉例呀?
人地有話唔學英文咩? 佢學唔學英文又關主題咩事? 洗個面先啦你

岩啦呢間就係私立學校 唔係咁易入到架 就係D怪獸家長 指名要入
咁有細路唔想入 係唔係令願比錢都要入呢?


岩啦咁請問當時佢講NO CANTONESE 係唔係上課中呢?
其實係個同學講架 你有冇睇架 唉請睇清楚先答覆唔該
咩叫冇強迫講普通話 清潔工人 文職人員都要講 呢D算唔算強迫?  
你唔會覺得清潔人工係教書架? 佢用普通語教中文? 哈哈
有冇聽過64事件殺人? 冇呀 一個人都冇死喎 大陸人笑話 你又學到野喎

未回就未回啦 或者記者有新問題呢 你又知問題又係一樣?
逃避記者 佢唔知道點答蘋果記者既問題囉

又搞錯啦 唔係香港學校好係大陸學校差 真係要諗下你D邏輯啦
其實仲有好多大陸人仲等緊入香港學校 點解成個大陸咁大 係要落黎香港呢?
因為全部學校佢地都唔想入囉 哈哈 我意思係咁唔好錯誤同我分析

黑心食物有真有假? 咁假新閒呢? 人地記者屈佢可以報警架 好似霸王洗頭水就係例子
唔係10成真既 9成9夠唔夠呢? 99% 同100% 分別你明嗎?
係大陸都有食物運落香港 但應檢查後食物冇問題先供應市民 但大陸呢明知係黑心食物
有錢咪通過檢查囉 食唔死人算好架啦

但以我觀察大陸一路退步喎 講白d係有新閒理據既
http://www.hkcd.com/content/2015-09/30/content_961260.html
香港人在做乜? 睇下先啦 中國排名28 香港係10名之內
2015-2016年全球競爭力報告 全球競爭力報告出爐 中國名列第28位
單獨講香港仍穩定在全球十強行列

你係唔係應該問返佢地香港人咁努力佢地做緊乜呢?
鬼咩佢地做到死下死下得雞碎咁多 靠呃呃到起碼多幾千倍 而且大陸唔理既
呀有樣應該排名10名內 係贓 電話騙案 打黎個個都非純正廣東話 一聽到都想笑
好左? 係香港我識到個一齊讀興趣班既同學 佢大約20歲啦 大陸人黎
佢又係支持共產黨既 唔係問題既  但行為都係差 印象中就係吐口水落地 佢明知係錯
但係跟本改唔到 證明到咩? 衰野佢地由細學到大 國家係咁人民又係咁 我真係要比d掌聲佢地
沒有最差只有更差


又錯了 唔係大陸人咁衰點會覺得佢地黎搶呢? 唔係大陸學校差 佢地洗鬼落黎香港咩
錯係錯在大陸 冇良好學校 冇良好環境  咁人民反抗唔到只有逃走 去其他地方得唔得呢?
唔得唔批 只可去香港

64事件有冇殺過人 我都冇親眼望到 但屍體咁多唔通佢地自殺? 你睇返大陸D惡行先啦
就會改變你思想

你又知殺父母係反對政府既? 唔通你係?
唔通你又係支持cy 果班廢青? 撐CY收$200　What腥你又有？

以上影片乃youtube提供,與本站無關; 若無法觀看,可查看原網址。

pk12345001

回復 winwin14 #70 的帖子

有毒變有蟲，真係籠門任你搬。

根據你引述果個事例既邏輯遮，邏輯一樣喎，咁又有問題?

咁你咪去指責個怪獸家長囉。

ok,NO CANTONESE係學生講既，唔係崇真小學校長講的，呢點我錯。
請問呢句話係邊間學校既學生講架?
請問你分得清崇真小學同大埔官小未呀?
邊間學校發生咩事，你搞清楚未呀?唔好炒埋一碟先得架。

毒果記者只係話去求證喎，佢無話有新問題喎。
又係毒果記者引述《星島》既報道話"沒有強逼學生以普通話交談"，咁你重想點遮?
p.s. 呢單係大埔官小呀!唔好搞錯呀!

你引述的那個網頁下面咪有個網友留言囉
Lucia M Yu · California State University, Los Angeles
人做鷄蛋，很费劲的，真的还比假的便宜。
如果你覺得假的比真的還貴是合理的話，你可以堅持既。

以你觀察大陸一路退步
http://www.hkcd.com/content/2015-09/30/content_961260.html
呢條link係你貼出來的，其實你有無睇過入邊講咩架?
我幫你節錄一些重要內容:

針對中國此次在競爭力指數上的表現，本次報告撰寫人之一奧利弗。卡恩對新華社記者說，中國的經濟基礎總體來說非常強健，具體說來，中國在普及基礎教育、公共衛生、投資基礎設施等領域表現出較高水平，保證了一個相對穩定的宏觀經濟環境。這些成果不僅對于中國未來成長為一個全球制造業中心有重要意義，而且也是未來中國發展建設的寶貴資產。但報告同時建議，中國若要在全球排名中繼續向上攀登，需進一步向可持續發展的經濟模式轉型。

文章中見唔到邊句講中國一路退步喎?你可唔可以指出來呀?

新中國由建國時的一窮二白，到而家全球第二大經濟體，這就是一路退步?

其實你又知唔知，係內地留學生中，香港只是做為一個跳板，最終的目的地並不是香港。
還有你那句"因為全部學校佢地都唔想入囉"，清華北大，幾多人爭住入，都入唔到。
你知唔知內地名牌大學，競爭係好激烈架?井蛙即係井蛙。

講到 電話騙案 ，最厲害的是寶島呆灣郎，全世界都有呆灣的 "詐騙集團"。

你的個別例子，又可以等同全中國?
我也認識一些內地人，比受香港高等教育出來既大學生更有禮貌，更有教養，這又代表咩?
最近例子香港大學民主牆，出現粗口，你唔好話我聽，呢D係嶺南粗口文化。

64無死過人?請問邊個講架?唔好話知係袁木。支亂會還欠袁木一個道歉。

原來唔認同你的，就是收錢的廢青?你真係比共產黨還共產黨。

winwin14

pk12345001 發表於 2016-7-25 18:12
回復 winwin14 #70 的帖子

有毒變有蟲，真係籠門任你搬。

https://zh.wikipedia.org/zh-hk/% ... 6%E5%88%97%E8%A1%A8唉 唔想成日搵姐 呢件有毒啦
又點呢 好在大陸衰野易搵到爆
你跟據邊點覺得個學生會唔鐘意講英文呢? 會又點呢? 而家人地點明係唔鐘意大陸同普通語 明未?
再重復一次仲有呢個唔係事例 係真有此人 人地係搞到被迫喎
減小呢d學校 咪減小怪獸家長出現囉

拿證明你又冇睇啦 知唔知主持係邊個呀? 知唔知佢黎做乜呀 ? 咁佢去左邊間學校呢?  佢去邊間學校睇一次先 唔怕我慢慢引導你思想走正確路下  唉睇都懶架啦由20秒開始睇啦
再睇55秒 個主持身在何處? 覺得人地反共就連睇都懶架啦 共產黨黨員咁教你架?
呢個係節目黎架 搞唔清楚似係你喎

乜重想點? 佢係冇回蘋果喎 人地蘋果準備左問題問佢架 可能問佢會唔會要d學生講國旗係咩黎既呢
我好想知個校長點答架 可惜呢
http://www.ntdtv.com/xtr/b5/2014/12/23/a1163307.html
原來你都知道咩叫假雞蛋架?  佢講到點解假比真貴 喂我都唔明喎


條link 係我放既 點解中國退步?
比個例子 你返學平時你囉開60分架
今次囉左65分 好高興有進步? 但全班學生囉85分以上喎
算唔算進步呢? 你唔明呀 ? 睇哂未架? 新加坡,日本亞洲國家黎

唔該留意下啦 2014 年中國排名呢?
而你所講既香港 由幾多排名上到而家第7架?

>>>>你句你講既當人家在不斷地進步的時候，香港人在忙於做咩呢?
改為大陸人在做咩呢 會唔會岩d? 我都唔覺香港人有乜進步 但比較大陸人贏一條街啦
內地大學 而家講小學喎 又關大學事? 大陸小學邊間係名牌黎架? 我想知喎

中國有咩最叻又係鬥衰 哈哈 囉台灣果d人黎 講人地呃人 呢d都係衰架我認同
對唔住我囉d好既黎比較既 包括人既品質 國家競爭力 當然仲有咁良好既小學啦

唔會等於全部99% 夠衰未? 99% 我估既
佔中時唔只咁小架 出現粗口影唔影響到你先? 佢為乜野要咁做?
明知犯規都寫野上去? 係唔係當地發生左咩問題呢?

拿拿拿又冇睇清楚啦 我係寫住有冇殺個人 係殺 唔係有冇死過人上面冇改過架
64 死過人有咩奇 日日都有人死 問題係大陸唔敢認無理殺過無罪既人呀 呢樣先重點
學生佢地犯過咩事先? 當年既學生又勇敢 好似而家咁 ? 不過大陸政府咁壓迫人民 發生事係遲早

唔係大陸迫d人落黎讀書 洗鬼落黎香港咩 有家唔住落黎香港住 貪香港好呀? 唔係
係大陸衰 仲有樣野如果大陸搵野學校用廣東話教乜都好啦 你又點睇呢?

patrickssq

回復 winwin14 #1 的帖子

崇洋英文小學.

sunlikwong

回復 pk12345001 #1 的帖子

就師兄兩點歸納的回帖, 小弟有以下睇法:

1. 開宗明義都要解釋

一.  小弟認為即使名符其實, 外人都可以質疑 (我喺60樓舉例時用質問, 係因為意識到我朋友係家長, 認為名不副實. 咁如果我地係外人去, 我都意識到質問唔係好適合, 係65樓回帖時, 如果係涉及外人時或名副其實時, 我已經改用詢問或質疑, 小弟知道討論、評論、詢問同質問、質疑、炮轟有分别).

小弟想先補充一下點解外人都可以質疑:

A. 外人唔一定知道佢係名副其實

理論上家長應該會知, 但外人點解就一定知呢? 係名副其實唔等於人人知道名副其實. 唔好混淆[係]同埋[知道係].  唔知道就可以去問, 有咩咁奇怪呢? 去問, 可以係基於有特別目的o既原因, 亦可以基於唔知.

B. 具體上點樣名副其實法?

如果家長或外人想知道再進一步, 學校點樣符合法呢? 唔知就可以去問.

二.  師兄將小弟朋友例子改為名副其實, 就引申為奇怪, 冇邏輯. 如果用師兄果個問題去問就梗係奇怪喇.  咩原來用X文講課o既學校, 只能被質問/質疑點解/係咪用X文講課? 而家既然改為名副其實喇, 咁可以產生第二樣問題啫, 點解只能夠問番名不符實o既同款問題? 師兄又覺唔覺邏輯有D怪呢?

外人甚至家長, 即使知道學校係基本上, 名副其實咁用英文講課, 但係唔知老師係唔係有效咁用英文表達敎學內容, 學生有冇辦法全方位用英文學習....等等. 名副其實o既方針, 可以延伸出不理想o既方案. 其實呢D係英文學校經常被人質疑o既問題. 至於師兄就只係問左個同名不副實同款o既問題, 我可以答師兄, 我都覺得咁問係奇怪. 咁如果真係有人咁問呢? 我唔能夠排除世界有呢D咁o既人. 但係師兄能夠排除有人問其他合理o既問題? 如果都唔能夠, 即係問師兄果條問題就怪, 問其他問題就唔怪. 合唔合邏輯視乎條問題, 唔係質疑名副其實就係怪.

三.  講番呢間小學, 小弟係65樓第二點第二行已經指出: [普敎中唔等於不准(原文係不淮, 打錯字, 唔好意思) 講廣東話啩.]  

該校禁止小息用廣東話, 我應該冇誤解啩? 課堂上, 學校係名副其實, 但係點解要禁止小息用廣東話?我冇質疑佢係課堂用英文或普通話(即係師兄話怪果條問題), 只係質疑點解要延伸到小息(即係延伸出嚟方案). 我就係唔知點解, 自然就會質疑.

我唔係橫蠻到一質疑人就話人地錯, 有理由o既, 就麻煩校方作出解釋. 小息唔准用廣東話, 即使係名副其實, 但係我就唔知點解, 我又唔可以去問, 咁我又點知課堂外係定唔係名副其實. 係度噚氣講多一次, 校方答唔答, 點樣答, 係佢o既做法, 唔影響我可唔可以去質疑, 唔通怕佢麻煩, 預左佢唔會解釋, 就唔可以去問?

四.  係呢點上, 師兄認為怪怪, 係因為師兄幫小弟問左個怪問題, 你要咁問, 係師兄o既事, 小弟只係認為可以去問, 但冇認為要問師兄指定o既怪問題. 師兄又指定小弟去問o既時候, 係質問. 因為小弟例子係用質問, 咁就設定小弟o既語氣係質問. 因此就認為係態度o既爭論.

替人設定o既問題同說話語氣, 可能係根據師兄認為小弟或其他人會有o既態度. 但你認為係唔等於我就係, 唔好混淆你認為我o既態度同我o既態度. 師兄用你認為啱o既態度, 同你認為我有o既態度去爭論, 係你自己同自己爭論, 何來我地兩人o既爭論係態度呢?


2.  外人有冇權去討論

一.  師兄似乎想暗示小弟o既講法係自圓其說o既套套邏輯, 對討論問題冇咩用, 費事爭辯.

小弟唔會否認, 有冇權去討論, 係大原則, 往往好難爭論. 但係如果連外人有冇權去討論都搞唔清, 具體o既討論時, 一句關你咩事, 當事人先有資格發言, 又或者交俾市場決定(市場由供需決定, 供給由辦學團體決定, 需求由家長決定, 咪又即係等於唔關外人事), 似乎就佔盡優勢.

二. 我地一路都講緊小學教育下一代o既問題, 係咪淨係關持份者 - 相關學校o既家長, 教師, 辦學團體, 政府教育部門- o既事? 但就唔關非持份者 - 即係外人 - o既事? 我諗我地講緊o既外人係指呢班非持份者. 外人同非外人係同一個地區, 但係身份唔同o既人. 一間學校教育下一代, 我就認為關我呢位外人事.

至於師兄舉o既美國事例, 所指o既外人係指唔同國家o既人. 有師兄係38樓回我時, 都指出過鬼佬國事, 關我地香港人咩事. 呢種情況, 師兄諗到, 其他師兄又諗到, 我都可以諗到好多個例子.

點解小弟認為師兄o既例子, 鬼佬國事, 係唔關外人事, 而小學教育就關外人事? 原因就係 1. 事件性質 2. 外人同非外人o既身份差別, 喺唔同事件會唔一樣, 咁就唔適宜用作比較.

即使師兄o既例子, 同埋另一位師兄所講o既鬼佬國事, 確係唔關外人(香港人)o既事, 唔通咁就解釋到所有其他事件都唔關外人事. 師兄o既例子只能指出有D事係唔關外人事. 事件o既性質, 外人同非外人o既身份不同之處, 決定關唔關外人事, 有D事件唔關外人事, 有D就關外人事.

小弟認為呢間學校敎育下一代o既問題 (事件性質) 點能夠唔關非持份者(外人身份)o既事.

三. 至於市場可否解決敎育問題, 從來都好大爭議, 而且據小弟所知o既有限經濟學知識, 要市場有效解決資源分配問題, 有兩個先決條件: 1. 清楚界定私有產權 2. 交易費用低. 我冇做教育市場數據研究, 我又唔知政府會唔會放手俾教育市場運作, 我就唔敢斷言市場可唔可以解決問題. 咁當然, 我呢D教育門外漢, 確係冇咩好建議. 但香港下一代o既教育問題, 當然唔係關全世界人所有人o既事, 但點可以唔關生活喺香港o既外人事呢?

sunlikwong

回復 simontonysoup #67 的帖子

多謝師兄美化左小弟呢種口水多過茶, 食古不化, 冥頑不靈o既做法. 師兄睇野確係比小弟正面.

口水多過茶, 食古不化, 我諗應該改唔到架喇, 希望小弟能做到冥頑而靈.