謝安琪被狠批陳慧琳演唱會走音 解釋失準真正原因：原來我係有啲自卑

GIRLAV

謝安琪（Kay）日前為陳慧琳（Kelly）紅館演唱會擔任嘉賓，除咗合唱經典歌曲《囍帖街》，仲獨唱咗一首《3/8》；然而短短兩首歌嘅演出引來唔少網民狠批佢走音失準，仲有網民認為陳慧琳當時多次表情凝重咁望向謝安琪，似係好擔心佢咁，甚至有網民直言謝安琪「跌落神壇」。張繼聰於社交平台大晒與謝安琪合照力撐對方，寫道：「遇到咩事都唔重要」﹑「用咩心態面對先係最重要」，更提醒謝安琪做運動以舒緩情緒。

謝安琪日前現身九龍灣出席一個自閉症服務中心開幕儀式，談及被質疑失準一事一度眼紅紅，坦言自己脆弱，唔係好敢睇留言，直言當日有啲緊張：「完全冇諗到自己會因緊張搞成咁，真係『低能』嘅緊張。」續指自己早有申請紅館演出檔期，但一直未被批淮，對佢而言帶有幾分自卑，表示：「我申請咁耐都申請唔到，結果要成為朋友嘉賓，先有機會喺度唱歌。」

唔少網民喺謝安琪演出過後替謝安琪解釋，認為有機會係與過往多次爆肺有關，謝安琪回應指，爆肺的確係有啲關係，但坦言唔想用爆肺做藉口，強調每個人都有自己嘅難處，表示自己遇壓力緊張就會氣促，令節奏亂晒，亦好容易因自信不足影響狀態，情緒波動係佢長期以來想克服嘅挑戰。

howardwo

有咁嘅樹！