我又失身鳥之Canon EOS-M (附答案)

oldcake · 發表於 2012-11-29 14:42:45

早幾日成功推銷了少許帛金債卷, 當然要風光番幾日, 行過Cam2, 又有相熟Manager同我打招呼, 老餅幾有面子呀, 他談及Canon EOS-M, 咁我咪拿來試試囉............咁咪又失身鳥囉.........唉, 果嗰美國朋友仲要黎我屋企食晚飯, 仲要揾錢買餸....不過有新機又有得威威, 今次一定威過Kaka同大蛇都算老懷安慰!
經過街市, 點解咁大隻大閘蟹要掉落垃圾桶.......啊原來係神仙蟹........反正朋友都唔知架喇, 發現有問題時, 佢都番咗美國喇.......一於咁話......蒸咗出黎一樣嘅姐

EOS-M EF-M22mm F2(F2.8, 1/30s, ISO100)

你地睇吓......果嗰朋友仲以為有好野食, 開心到四萬咁口.......個22mm( x1.6 = 35mm)餅鏡影人都唔錯, 尤其是在捕捉面部表情時表現特別出色, 大家係唔係覺得個表情好有神韻呢(如有異議者, 只証明你影相功力不足)
F2, 1/50s, ISO100

飯後, 都係入書房密談借債之事.......順便影張黑白相比較一吓
F2.8, 1/30s, ISO100

人地咁好肯認購我d債卷, 梗係比佢試埋用EOS-M轉EF轉換器, 配70-200mm F2.8 IS試吓對焦及效果........你地都可以購我d債卷, 咁咪好似佢一樣, 有機試, 有鏡玩.....要有囡陪都得, 不過要加收$3,000
(此機有按Mon合焦即影功能, 用長鏡時尤感方便, 在高ISO下表現也不俗)
EF70-200mm F2.8(F2.8, 1/320s, Auto ISO5000)

最後梗係有獎問答時間, 下面張相, 相中物件是什麼?
註: 請不要答"鏡頭".....如是鏡頭要答埋牌子, 焦距等

答中獎 10/10 及千足金 10 兩
答案:
都唔好玩架, 大部份Ching都知道係: 鏡頭杯!.......不過大蛇喜歡派分, 皆大歡喜!
歡迎留言討論有關EOS-M與其他術機種的比較.

PS:
我現有三部機出售:
1. NEX-5N + Kit lens 18-55mm (HK$3,000) 1year, 無單齊盒
2. Canon 50d + 18-200mm F3.5-5.6 (around HK$5,000) around 2-3years, 無單無盒
3. Nikon D90 (HK$2,800), 乜都無.....即係連充電器都無......不過好新, 無乜用過
4. Nikon 35mm F2.0, (HK$1,500) 無單無盒
如Ching有興趣請留言, 價錢是相熟二手店開的收購價. 如沒Ching有興趣, 下週中便拿去二手店出售.