南華與陳肇麒解約

hksunshine

rest in peace.....bye bye la

smuck141

爆房：男未婚女未嫁，兩情相悅做吓愛有乜出奇？邊個話結婚前唔可以做愛？去維記又好失禮咩？係咪去六星酒店就冇問題？我完全唔明佢做錯咗啲乜。

食煙：球員都係人，球員都可以有嗜好，你又唔俾佢做愛，又BAN埋佢食煙，咁叫佢跳樓好過。「公眾人物」唔食得煙？好多名人都煙、酒、雪茄都啱啦，又唔見你地話佢地？同埋，唔係陳七自己選擇做「公眾人物」喎，啲狗要跟佢，佢有乜符？當然，如果佢因為食煙而搞到唔夠氣，踢得唔好，你可以話佢UNDER PERFORM，你可以因為咁而插佢，但係唔係純粹因為佢食煙囉。

解約：羅生搞波講IMAGE，陳七出咗件咁嘅事，要踢佢落山從商業角度我可以理解，但係「年少輕狂」，呢個時勢有邊個唔係一朝得志？佢得嗰27歲，香港已經冇乜好球員，係好領班嘅話我會渡番佢入正軌，SET個好嘅榜樣俾啲年青人，而唔係純粹貪要隊波攞RESULT搞IMAGE而一腳踢佢走。

陳七呢件事，只係帶出咗香港畸形嘅現像：人紅，你就要無所不用其極咁掘料去整瓜佢，點都要寫死佢；搞波，純粹功利主意，唔會花時間培育人才，一唔啱用就踢走；而我地呢啲小市民，就擔凳仔坐喺度當戲咁睇，一路睇一路踩多兩三腳。