我的愛情故事一一前傳11 新抱仔,終須一別

定風波 · 發表於 2012-5-1 23:50:50

本帖最後由定風波於 2012-5-2 00:12 編輯

新抱仔

芸在我家吃飯,總會想幫媽媽手,但媽媽却不會要她動手的.
說道會做粗芸的手皮,影響她彈琴.
芸覺得奇怪,叫我打聽下,呀媽系唔系唔鍾意佢.
問呀媽,呀媽話:
"如果有個咁好既女仔做新抱,點會唔鍾意呀,不過,
人地系千金小姐,又未過門,點可以叫佢在我地家
做家務播,將來嫁左你,服侍你系天公地道既事,而
家佢會俾人笑架!你同我話俾佢聽,有個心就夠既啦,
伯母會好似自己個女咁鍚佢架啦!"

定風波 · 發表於 2012-5-1 23:51:56

一字不漏回覆,芸由心裡笑出來,口裡却說:
"服侍你?你稔都唔使稔,你天天同我洗腳就差唔多!"
講完就知講錯野,面都紅晒,我則on居居稔左一陣至明佢做乜面紅!

定風波 · 發表於 2012-5-1 23:52:28

連續幾日,芸都唔得閒睬我,上到來,淨系同呀妹密密斟,
有點納悶,問佢兩個都唔答我咩事.
到禮拜六,二人在房內,好似好忙咁,
終於揭曉啦,原來呀妹第一次拍拖,問芸意見,
芸就幫佢手打扮,唔怪得啦!
先至醒覺這小鬼頭也form 4 了.

定風波 · 發表於 2012-5-1 23:53:02

呀妹出了門口,先至有機會同芸傾,
忍唔住笑佢,"妳好有經驗咩,做人拍拖顧問咁交關"
答話:"冇乜,一次咁多,不過搵到了個老襯"
佢幾時把口咁掂?

定風波 · 發表於 2012-5-1 23:54:27

終須一別

暑假到,芸一家起程了.
心雖然唔捨得,不過稔住只有一年就會再在一起,
也還頂得住.

定風波 · 發表於 2012-5-1 23:54:59

本帖最後由定風波於 2012-5-1 23:59 編輯

起程那天,講好我不去送機因為芸怕在人前咸,
去機場前芸特意過來,
同呀媽講再見,媽只講得半句"乖女自己一切小心..."就哽咽講不出聲了.
芸之後入房,摸了一下我的鋼琴,
就攬實我,時間像是停了下來,也不知過了幾耐,要走了,
芸沒多說話,只在我耳邊說了句:"等你"

~此篇完~
如想番閱其他章節,請到
http://141hongkong.com/forum/for ... &fromuid=416339