屏風樓既認識 (一)

呀吓

放左幾日假，個人都鬆左，返工壓力又暫時減少左，又係時候同大家討論一下身邊既事物。

咩叫屏風樓？

屏風樓呢個名詞係呢幾年出現多左，大家都透過傳媒知道屏風樓影響環境，係「地產霸權」既產品等等，咁實際上屏風樓又係點樣影響我地既環境？屏風樓既出現又係咪地產商做成呢？


屏風樓或稱屏風樓宇，是指在人口密集的城市中，數幢連在一起的摩天建築物，形狀如屏風故因而得名，屏風樓的定義沒有一定的標準。密集的摩天建築物阻擋光線及令風速減慢，而所產生的負面效應，亦被稱為屏風效應及熱島效應。

屏風樓引起的「屏風效應」並無劃一及確切的科學化定義，屏風效應是指樓宇建築猶如城牆，阻礙自然風進出，影響周邊居民的生活環境、空氣質素、景觀及自然光，令相對內陸的地區的空氣流動減弱，氣溫升高，加劇地區性的空氣污染問題，令區內居民患呼吸道毛病的比例增加。此外，屏風樓也可能引致鄰近較矮樓宇接收的電視信號較差。
近年在香港陸續興建屏風樓所引起的環保問題，批評者認為，屏風樓在香港出現是因為政府在90年代時缺乏城市規劃和監管下，地產商在發展市區外圍的新區時，為了盡量利用昂貴的土地，一方面將新建的建築物向高空發展，另一方面將大廈與大廈之間的距離縮至最小，形成屏風，使市區內部的舊區變得有如盆地一樣。亦都有學者批評香港的城市設計是「為錢而非為人」，缺乏綠化、公共空間，比上海等地落後得多。

體積龐大的屏風樓出現環境問題，是因為早年規劃的街道並非為如此龐大的建築體量而設計。這也解釋到紐約市曼克頓的建築物高度雖然與香港的差不多，但「屏風效應」的都市環境問題卻未有突顯出來，是因為紐約市的街道一般都比香港的闊，加上他們不少的建築均會作沿街後退的設計，令建築物之間存在著一定的間距及空間。紐約市對建築物有街影投射管制，超高層建築根本不會像長城連合起來，起不到「屏風」的效應。情況就如中環的摩天大廈，雖然高聳入雲但市民不會視為「屏風樓」。

香港其中一個環保團體（環保觸覺）對「屏風樓」的特徵定義以下為屏風樓宇的6個指標，如果滿足3個或以上，便成為屏風樓宇：
1. 發展項目內樓與樓之間沒有足夠距離（例如少於15米）
2. 項目內的樓宇佈局是接近「一」字排開
3. 項目內各樓宇的平均高度（包括平台）超過35層
4. 項目的位置是具影響性（例：海邊、市中心、通風廊）
5. 項目或樓宇的較闊一面是迎向盛行風
6. 附近有比較低矮的樓宇

好，咁係大家身邊又有無以上既屏風樓係度阻頭阻勢阻風水呢？

下列係被環保觸覺指為屏風樓的住宅樓宇
銀禧花園


港灣豪庭


映灣園


藍天海岸


君臨天下


蔚藍灣畔


嘉亨灣


君匯港


翔龍灣


曼克頓山


萬景峰


御龍山


銀湖天峰


名城


帝峰·皇殿



由於篇幅既關係，屏風樓既責任問題同改善方法會係另一帖再討論。

entry1

多謝呀吓兄分享, 睇黎呢d屏風樓都係出現係大地皮上既屋苑

呀吓

entry1 發表於 2012-4-9 09:58
多謝呀吓兄分享, 睇黎呢d屏風樓都係出現係大地皮上既屋苑

係，所以引伸到細面積地盤地積比率可否提高既時候，屏風樓又會唔會係一個決定性因素呢？ 我聽日寫完第二篇再討論。

entry1

呀吓 發表於 2012-4-9 10:24
係，所以引伸到細面積地盤地積比率可否提高既時候，屏風樓又會唔會係一個決定性因素呢？ 我聽日寫完第二 ...

等睇你既下一篇

呀吓

entry1 發表於 2012-4-9 10:27
等睇你既下一篇

咁又唔好期望太高，我都係寫下野出黎引大家討論下姐！

entry1

呀吓 發表於 2012-4-9 10:29
咁又唔好期望太高，我都係寫下野出黎引大家討論下姐！

你既專業知識真係教識好多野

lungcurry

屏風樓都唔係而家先知啦....其實你估政府唔知咩...不過...知而不行....鬼叫你唔好阻住大地產商佢地搵錢，咁大家先搵到錢咁law......
唉...我地咪只可望下人地睇海景吹海風...買把好d風扇吹下吹下水law.....

肥叔叔

我都唔明, 而家啲樓起到一塊塊神主牌咁

呀吓

lungcurry 發表於 2012-4-9 11:20
屏風樓都唔係而家先知啦....其實你估政府唔知咩...不過...知而不行....鬼叫你唔好阻住大地產商佢地搵錢，咁 ...

你覺得我會以為政府唔知咩係屏風樓咩？

政府已經立左例而且已經係4月1號實行管制屏風樓設計佈局你又知唔知？要立條例要幾耐時間幾多資詢又知唔知？立條例叫地產商唔準賺錢好唔好？地產商唔係無責任，不過在商言商無人會做善堂。法例訂明左自然要跟，法例無要求既咁條綫要人點定？點為之賺盡？賺少一蚊定賺少一億為之有良心？佢地賺少一億咁尐小股東又會唔會炸型？

我唔會反對大家去抵制邊個邊個，因為呢尐係個人既決定，唔會影響到其他人。不過咩野都只係賴地產商既話就似乎片面左些少。社會係要靠時間去磨合去進步，鬧政府鬧人地好賺錢之餘自己都要積極做好本份去推動個社會去進步至叫對得住自己。 唔通瞓係中環人地既地方話要創造一個模範社會就會有用咩？咁樣瞓街既社會我真係多謝晒.....

yk8686

C兄無謂勞氣，香港越來越多呢D人，咩事都在怨，換轉角色只怕佢想賺得更多，你是有料之人好多人都知

呀吓

肥叔叔 發表於 2012-4-9 11:24
我都唔明, 而家啲樓起到一塊塊神主牌咁

呢樣野都係睇發展商賣樓策略需要：戶戶有景觀，尺價至可以夠高；公共地方既走廊要最短，咁至做到高實用率；政府送既（唔洗計GFA）露台窗台工作平台一定要做足，咁至唔會辜負政府一番心意；每層樓高度最好夠9尺，咁至賣到好價錢；樓宇覆蓋面積（site coverage) 要做到盡，建築成本至化算；地積比率要起晒無剩，咁至可以有最理想回報......

加埋加埋，就產生出一排一排又工整又高又闊既神主牌出黎....

城市設計師同建築師責無旁貸....

肥叔叔

呀吓 發表於 2012-4-10 01:09
呢樣野都係睇發展商賣樓策略需要：戶戶有景觀，尺價至可以夠高；公共地方既走廊要最短，咁至做到高實用率 ...

舊樓實用率都好高, 但就唔會幢幢神主牌咁.........

yk8686

舊樓相對無咁高所以無咁覺神主牌?

呀吓

yk8686 發表於 2012-4-10 01:06
C兄無謂勞氣，香港越來越多呢D人，咩事都在怨，換轉角色只怕佢想賺得更多，你是有料之人好多人都知:handsha ...

都唔係勞氣既，我唔會阻止人去怨，不過我係希望大家係決定去怨之前可以對件事既唔同環境因素能夠清楚多尐，知多尐同埋消化一下等自己能夠有一套說法至去怨，咁樣怨得黎都唔會咁易比人打沉唔會咁易比人話柒姐.....

始終，批判性思考係對自己同對社會係最有用既公具，而呢種思考方法係需要好多常識或者知識去支持既。不過我發覺呢家愈黎愈多人都無左呢種自覺性....

yk8686

懂得咁諗又唔會咁多怨啦，相對嘅。。。

上一代嘅人，有困難會自己去解決，去想辦法，會檢討，但而家一開口就別人唔啱，唔係自己去適應個社會，反過來想社會適應佢地

呀吓

肥叔叔 發表於 2012-4-10 01:12
舊樓實用率都好高, 但就唔會幢幢神主牌咁.........

高度當然係其中一個因素，以前既development potential 無做到咁高，人口都無咁多啦，而且以前仲有舊機場既高度限制。
以前亦比較少大型既地俾發展商做私人屋村發展，美孚係第一個，果時仲有高度限制添，如果舊屎無高度限制既話美孚咪又會同曼克頓山一樣？
加上以前起樓係計 building shadow 同 volume 既（你見到最高果幾層係斜既就係果種），係體積上其實係有規管到既，不過後期改左例只計可建樓宇面積同覆蓋面積。所以至更進一步咁推動左神主牌既型成。

bilychan

其實, 都係錢作怪!

Sumeda

One of the reason causing the taller buildings is due to the exemption of GFA for services and green features