終審庭法官委任

smuck141 · 發表於 2012-3-29 10:44:56

生果報真係唯恐天下不亂，講到包致金轉做非常任法官好似背後有咩政治陰謀，吳議員又出嚟要司法機構「交代」等等，查實只有用呢個安排，包致金（我鍾意叫佢做「煲咖哩」多啲）先可以喺冇任何年齡限制之下繼續聽終院啲案件，因為非常任法官係冇設任何年齡限制，而常任法官正常要喺65歲退休，雖然可以最多續期6年，但係71歲都要走，同埋終院都唔夠官，其他外國嚟嘅非常法官又唔係咁容易就都佢地啲期，所以幾乎可以肯定煲咖哩繼續會聽大部份case，因此我完全睇唔到煲咖哩轉做非常任法官有乜問題。

佢騰個位出嚟俾鄧禎做常任法官，鄧禎啲料完全唔使懷疑（佢係馬道立老婆個師傅呀），事實上鄧禎已經係終院非常任法官，加上越嚟越多case有中文成份，揾佢做常任法官聽埋啲上訴許可申請（要三個常任法官去聽）真係理所當然不過，亦都可以增加司法機構喺唔夠官嘅情況下嘅彈性。我覺得呢個appointment完全係正確同正常。