勿太費神於測市

茄輪王

(此帖是個人從一般散户觀點而發,不涵蓋全職投資及衍生買賣.)
若干年前一位投資前輩語重心長對我講:
'股場買賣,唔好試圖去測市,因為根本做唔到!'
時至今日對呢番話有好大程度認同(經實戰而領悟).
的確坊間有林林總總嘅分析方法,圖表,工具同已知資訊.....
經驗所得,呢D全部都係滯後嘅'過去式'.
從現在睇返以往而作出判斷其實係'解釋'(馬後炮).
由現在情況而推論將來變化先係真正嘅'分析'.
可惜絕大部分股民都唔係'智者',所以極難辦到.
但一般人在未知情況下要做決定,本能上都希望得到一D指引.
故此直至現在我買賣時仍然有使用一些簡單'分析'工具如週線圖,移動平均線,RSI,黃金比率.....
但會提醒自己只能作參考不可做主力.
大前提係要貫徹自己可以實在掌握到嘅法門(當然唔係必勝):
*風險管理(如止蝕,目標價設定.資金分配.....)
*選擇工具(嚴選適合自己投資工具如股票板塊,基金等等).
*勤做功課(財經資訊以至日常時事要多加留意,甚至身旁瑣碎事都可能反映經濟情況).
*傳統智慧(前人累積經驗往往係瑰寶,要善於運用).
以上幾點絕對係在我們自身掌握之中.,雖然都係大路嘅老生常談,但世事每每都係刻意不如隨意,簡單才是美!!!
-END-

Natural12

我好認同呀, 所以試下價值投資,
搵啲被低估咗的公司,剛剛開始學, 但無乜時間, SOSAD, ( 求指教 )

茄輪王

Natural12 發表於 2012-1-9 22:13
我好認同呀, 所以試下價值投資,
搵啲被低估咗的公司,剛剛開始學, 但無乜時間, SOSAD, ( 求指教 )  ...

價值投資好大程度建立於基本分析.
涉及範圍甚廣,有經濟,會計,商業運作以至稅制等等.....
亦要用大量時間做研究同搜集資料如公司年報.....
個人認為需要有針對性進修作輔助,
所以唔係一時三刻可以做得到.
如果唔想錯失時間(機會成本),
可以考慮買入一些與指數掛鈎嘅交易所上市基金(ETF).
如恒生同國企指數ETF,
包含嘅公司大多數係有實力甚至係行內龍頭.....
絕對有價值投資成份但相對較安全(買入自行評估公司潛在風險極高),
故此係一個簡單直接而有效率方法.
缺點係表現只可以跟大市同步,
唔會有卓越嘅回報(但如果年度平均有8-10%都相當不俗).
適合作為入門及長線投資工具.
-END-

roywmchan

股票就是估的

johnho141

同意！坊間都是馬後跑！
估是不可能的！因為全是人為因素！
但有一點可以參考！就是因為人為！從心理，可以假設自己係大戶，要點先賺到錢！
當心態和他們接近時，就可以有少少甜頭。

色途幼幼

冇錯
方法正確命中率低於五成亦可有賺

1124330256

無論投資邊隻股票
無論用咩approach,投機、趨勢投資、價值投資
最重要係要熟番自己買緊咩
幾時可以放，幾時要止蝕
最最最重要係買左股票後可以睡得安穏
唔係的話，買股票來做咩呢