茅台期貨急跌 預示經濟轉壞？

heropluswai

小琴噚日有個得意新發現，叫「紙白酒」，各位有冇聽過呢個term呢？小琴口岩口岩出糧，想買翻支巴巴閉閉「國酒」茅台，新年孝敬父親大人。本身諗住上網找專賣店地址啦，點知發現一個叫「中國期酒市場」內地網站，上面竟然就有茅台酒賣！


一開始小琴就唔放心網上口的貨，不過睇真口的，原來佢口的茅台就唔係一支支賣，而係「一份份」賣，現價每份先23個半人民幣，而100份就口岩好湊成一支。再睇番說明，先發覺原來就算今日買，都仲未有得即刻飲，要等到差唔多兩年之後，2013年9月先可以拎貨喔！

最高時一支3249元 現價千多元

哦，咁樣講法，原來「紙白酒」即係白酒期貨，小琴都第一次聽講。雖然小琴就冇理由叫老豆等兩年先有得一飽口福，不過出於好奇心，都有去關心下個紙白酒價格。

原來呢款「紙五星茅台」就今年9月個期酒網上市，之後個價格一直都升得好快，今個月13號去到成32個幾一份，按照之前口的計算方法乘番100，一支白酒就價值3249蚊人民幣，遠遠高過家陣2000幾市場價。只不過唔知點解，自從13號之後個期酒價就開始行下坡路，到今日就收市23個半，對比20蚊上市價高3個半。

小琴就諗啦，係唔係近排口的茅台期酒買家畀年尾各大金融機構展望報告嚇親，開始睇淡個經濟，同埋未來兩年名貴白酒需求呢？如果個個都好似小琴咁孝順，買返屋企畀老人家飲，需求年年都四平八穩，就唔使驚紙白酒會貶值啦。