明燈大師恒指策略

steven152200 · 發表於 2011-11-18 18:40:34

星期二: 杜指跌差不多300點, 恒指開19450, 馬上沽貨. 跟住一路升一路升, 想打和離場都唔得, 19650輸二百點止蝕離場. 點知下午跌落 19350. 止左蝕無仇報揼春揼到爆.

星期三: 杜指再跌300點, 恒指開19150, 馬上沽貨, 跟住升升跌跌都唔過100點, 11點左右跌到19040, 以為今次得米喇, 落原位止蝕然後去食飯. 食完飯番來, 見到19350, 心思思想沽番, 掙扎一輪之後沽左. 渣一聲就輸左200點去左19550, 心存僥倖仲想等多陣, 再升多100點, 輸300點止蝕離場. 無眼睇落街做行屍走肉.

星期四今日: 杜指升差唔多200點, 諗住恒指會高開至20000點無仇報, 點知係低開19350. 昨晚聽老蕭話大陸泵水入市, 幻想會谷恒指重上25000. 嗱嗱林買恒指升, 點知升唔夠100點就掉頭, 跌落19200, 輸150點想止蝕又唔忿氣, 好彩之後上番19550. 但係, 依家跌番落19300唔上唔落, 決定SET 200點止蝕然後熄機唔睇. 如果今日真係落左19150止蝕位的話, 我會自封明燈大師, 然後會每天9點前上載是日明燈策略, 造福所有人網各位網友.