豐田拯救"孖田"？Aston Martin Cygnet

Addicted · 發表於 2011-10-25 22:22:13

各位留心睇呢幾張相，有冇覺得呢架Aston Martin 似曾相識？冇錯，呢架其實係一架由Aston Martin 廠方改裝嘅Toyota iQ. 點解要咁做？廠方美其名就話佢地D富貴買家客戶希望有架City Car 方便出入。但真正原因其實係為咗長期生存。美國經濟疲弱，但始終係成熟同埋全球最大嘅汽車市場。而美國大搞環保，要求每間廠方要喺未來某幾個年份將佢地嘅全線產品嘅平均排放同耗油量達到某個水平。Aston Martin 剩係做大cc跑車，引擎又 old tech, 廠方資源又比較少，喺短期內根本冇可能自己開發到產品去作出改善。所以就要請外援。

Aston Martin 就揾到豐田iQ，再從外裝內籠作改動。外型上不得不讚Aston Martin 設計師可以將部日本city car 改到有廠方嘅神髓。內籠一貫Aston Martin 嘅鬼斧神工。用料一流，手工精美。

有傳第一批Cygnet只會賣比現時Aston Martin 嘅車主。車價方面，預料係iQ嘅兩倍半。