心好唔舒服, 只想講出心底話....

呀邊個邊個

今日同一個上一輩嘅同事閒談, 初時只系講開軍事, 卻不其然講咗敏感嘅政治話題, 對方糸我上一輩, 亦系香港來美, 我深知人嘅取向各異, 但我對於對方嘅取向卻極不同意, 兼感到頗為失望!

內容系對方認為於香港回歸前仍屬英國統治, 所以在當時港英政府出生之嬰孩, 亦尚算為英國人; 我當場反駁, 話我體內所流嘅都系中華民族嘅血統, 我本是中國人, 又有咩可能會系英國人?

剛才晚膳時回想當時雙方嘅對答交流, 心裡越想越激氣, 心諗點解有人會唔認同自我嘅根生民族, 連一小點嘅自我民族意識都無? 可知當年英國向我國販賣鴉片, 更以船堅炮利之策破我國門, 而自身卻嚴禁己國國民吸食鴉片, 但點解到咗今時今日, 依然有咁多人認賊作父?

我承認當年國家積弱已久, 當年清政府腐敗無能, 但終究香港永遠都屬中國之一部份, 哩個系不能搞亂嘅事實, 我寫哩篇論文其一系洩憤, 但最終目的系想身為中華民族一份子嘅你我認清自己嘅真正身份!

點解以色列可以復國, 兼以一敵眾阿拉伯國家? 因為人哋民族意識強且團結! 或許有些人身在異國, 卻仍堅稱自身為美國人, 英國人等等.... 但人家真的會稱你為自己人嘛? 且不談歧視因素, 人家亦只會稱我們為Chinese, 即使產生認同感, 最多亦稱我們為Chinese-American / British Chinese 等等, 何時會有人走向我們這黃皮膚的叫作American ? 名詞之間總離不開 Chinese 中國人一詞!

各位同胞... 我只衷心希望大家可以睇清事實真相, 何以自欺欺人? 中華民族由古至今都系優秀嘅民族, 悠長嘅歷史, 偉大嘅四大發明, 宏偉嘅長城建築, 我哋系絕不能自我貶之.... 同時, 愛國亦不等同愛黨, 請分清楚! 而愛國又何罪之有? 當然在愛國之同時, 亦謹記不能過份盲目, 文革正是一個慘痛嘅歷史教訓!

在此, 衷心感謝各位抽空閱之! 旦願我們的祖國一天比一天團結強盛!


黄景耀 文



原文: http://www.facebook.com/note.php?saved&¬e_id=493219689593

intermezzo

愛國亦不等同愛黨, 請分清楚!

唔止要分清楚，更加要記住，身體力行！

RocknRoll98

共 產 黨 幾 十 年 來 的 政 績 : 沒收私人財產， 上山下鄉 (當人民是奴隸一樣)， 大躍進， 三反五反， 文化大革命， 破四舊， 教育洗腦、迫害、批鬥、監禁、勞改 和 處決 無數異見人士， 禁止資訊流通， 禁止人民自由出入境， 六四屠殺平民 ...........

中共 統 治 的 幾 十 年 間 害 死 了 過 億 人 民 及 令 到 數 百 萬 人 移 民 或 偷 渡 出 國。 一 個 令 到 無 數 自 己 同 胞 家 散 人 亡 的 共產政權 現 在 還 有 面 目 要 求 中 國 人 "團結" 去 愛 "國" 愛 黨 !

太空翔

依閣下先前之言,
真不解閣下有何顏面,
引述此文?

尤其此句,
愛國不等於愛黨?
請問,
愛何國?忠何黨?

真正中國人,
無論生於何時何處,
心存華夏心,
就是中國人!

當年中國積弱已久?
今時中國又當如何?

若此點都想不透!
中國人莫非至今只能講,

呀邊個邊個?
胡話一句?

ANDY1860

呀邊個邊個 發表於 2011-1-16 06:28
今日同一個上一輩嘅同事閒談, 初時只系講開軍事, 卻不其然講咗敏感嘅政治話題, 對方糸我上一輩, 亦系香港來 ...

有幾多人能夠分得清楚,唉!