炒輪為生 (11/21更新@p.2, 全文完)

roadmanz

10/2 期權
輪其實係期權的一種, 但在香港, 它們屬於不同市場. 在說期權的用處前, 先說它們的分別
                    輪                                 期權
交易            先買後沽                     先買後沽或先沽後買都可以
莊家            一隻輪一個莊             一個條款多個莊家
條款            莊家自定                     交易所規定
差價            可以窄                         一定濶
槓桿            幾倍                             幾倍至幾十倍
結算            現金                             實貨

備注: 期權先沽後買要付保證金
(題外話, 期權因為可以先買後沽或者先沽後買, 如果配合不同條款, 不同月份的倉位, 策略之多, 可以說投資學中無出其右.)

用途: 我炒輪其實將它簡單化, 其實當你對正股短時間內(兩,三天)有一個目標價時, 便可以選擇期權. 原因期權莊家多, 價錢較為合理, 而且更容易選到合適條款的工具. 還有看的時間越長, 錯的可能越大, 所以選一個槓桿更高的產品來增加值博率.

未完, 下周中舉一實例說明

roadmanz

10/5 續
舉一個實例
6/9 (700) 受到強大沽壓, 那天(700) 的股票範圍由136.8-143.6, 我大約在138買入了一個即月135認沽期權(買價外因為槓桿較大, 而且由價外轉入價內, 期權行得最快) 價值3.09, 我相信(700) 會跌穿130元, 但130認沽要1.x元(無記低) , 又好像唔抵, 所以揀135
6/10 (700) 收127.4, 126.9-134.2, 見到沽壓仍大, 所以無走. 結果....
6/11 (700) 收132.9, 130.2-134.1, 反彈
6/14 (700) 收131.5, 130.6-136.9, 先升後跌
6/15 (700) 收127.4, 125.6-130.9, 又跌過
6/17 (700) 收125.0, 123.1-127.0, 繼續跌
6/18 (700) 收129.7, 120.4-130.5, 當股價122.x走了, 收回12.34, 我大約10:30出貨, 如果遲一小時走可以收多2元, 但留到收市才走大約收少6元

總結: 正股從138跌到122只是跌了11.6%, 但期權卻可以由3.09升到12.34, 升了大約四倍(輪沒有可能做到), 當然最初如果選了130認沽回報起碼有七倍. 所以下次有機會時, 各位可以考慮使用期權, 不過買之前, 你要有輸晒的準備. (因為期權沽家其實有絕對優勢)

期權到此為止, 下次說回輪

roadmanz

10/22 風險

1 如果入貨後, 莊家突然收牌, 散戶可以點做?

串流式報價系統的右下角有一個電話號碼, 可以致電給莊家要求報價. 不過證監規定係有人要求開價, 莊家只需一個小時內開價即可. 但已經是散戶唯一可做的事.

2 輪價無緣無故自己下跌

最好即刻撤退, 因為我見過最多一次自己跌了五格. (幸好隻輪通常會逐格下跌)

3 假盤

留意經紀牌號便知誰人不是真做

4 無悔三震

出自漫畫'中華英雄', 寓意一擊致命, 即是一口將D大盤買/沽清. 出現過的一天再出現機會極大, 要加倍小心, 尤其做的方向和人家相反.

5 交易時間

有些莊家收市前2-3分鐘便會收晒D盤, 呢點要注意, 否則只有局賭下一個交易時段市況

smallbanana

interesting LOL

roadmanz

11/6 必殺技
沒有騙大家, 只是這些招式, 我自己已經很少甚至沒用(我會說明理由). 雖然如此, 畢竟為本人所創, 尊重知識產權, 閱讀前請先付版權費

一 2823
大約三年前, 2823仍然不大為人認識, 每天成交不算多. 因此莊家可以根據A50指數而開價, 而那時A50十大持股有九隻皆在上海上市(只有萬科在深圳上市), 所以每天我只需留意上證便可以預測2823運行, 憑此方法獲利. 可惜2823現在炒供求, 已經不再跟上證而行, 此方法已無效.

二 以輪看輪
當正股上升時, 并不是所有輪一齊上升(有些甚至下跌), 總有部份快, 部份慢, 尤其炒供求的輪往往最快, 不過回落速度亦快, 實在很難掌握, 不過這些輪有一用處, 就是找它作指標. 因為就算炒供求的輪也有快慢之分, 所以當快的一隻上升, 即時買慢的一隻來獲利. 此招不能保證絕對安全, 因為快的一隻回落前, 慢的一隻也可以不動, 而且不合本人性格, 所以於我而言此招無用.

未完待續(或者)

141小記

以我理解, 抄輪要嬴係要補捉股票急升急跌的時機,
因為流行多人買的call輪才比較公平,put輪少人玩好假.所以得返急升的情況有羸面.
而當中又有幾個不良券商做價,唔跟正股走.所以我研究左一排都係無擔去玩.

反觀期權就公平好多,靈活好多,
無論乜野市勢都有對策,都有方法賺錢.
- 急升時可以long call,急跌時可以long put.
- 牛皮橫行時可以put兩邊,
- 突破前夕可以long兩邊,
- 慢牛市或者好似宜家咁既資金市,可以short put.
- 遇經濟衰退期可以short call.
- 又可做長短棍,作為股票的短期對沖.
- 也可以以小摶大,當佢六合彩咁,用好平的價錢long call埋d一般人諗唔到的價位
- 如果有本錢又可以short put/call一些無可能到價的,收期權金好過收息.

KELIVEMAN

原帖由 141小記 於 2010-11-7 00:06 發表
以我理解, 抄輪要嬴係要補捉股票急升急跌的時機,
因為流行多人買的call輪才比較公平,put輪少人玩好假.所以得返急升的情況有羸面.
而當中又有幾個不良券商做價,唔跟正股走.所以我研究左一排都係無擔去玩.

反觀期權 ...

風險太大 ,我唔會掂 !!!

roadmanz

小記,

炒輪要贏, 除了小注大贏, 還有大注小贏. 只要付出佣金夠平, 一格都有錢賺. 炒輪應抱住做生意心態, 細水長流, 不是一舖贏晒. put不是不公平, 只是通常槓桿較低, 如果只懂一面是不夠的!
期權確實較公平, 不過差價濶, 不合短炒. short贏面大, 但是平時賺埋的, 好易一次輸突, 尤其這個大時代

天音

原帖由 roadmanz 於 2010-11-7 06:06 發表
小記,

炒輪要贏, 除了小注大贏, 還有大注小贏. 只要付出佣金夠平, 一格都有錢賺. 炒輪應抱住做生意心態, 細水長流, 不是一舖贏晒. put不是不公平, 只是通常槓桿較低, 如果只懂一面是不夠的!
期權確實較公平, 不過差 ...

  小注大贏, 還有大注小贏 ........... 有時比較吓買正股 :

小注大贏 ..... 買 d 炒股 / 仙股

大注小贏 ..... 買 d 大藍籌 / 大價 股

  最重要係有得守

roadmanz

三叔,

還有大注大贏
當年, 地鐵同火車宣佈合併, 開市後突然停牌, 而我大注揸住地鐵輪, 不是我咁有信心, 只係無想過佢停牌 雖然贏大錢, 不過驚咗一晚. 黃國英說過股票大注大贏故事, 有沒有聽過?

天音

原帖由 roadmanz 於 2010-11-8 22:47 發表
三叔,

還有大注大贏
當年, 地鐵同火車宣佈合併, 開市後突然停牌, 而我大注揸住地鐵輪, 不是我咁有信心, 只係無想過佢停牌 雖然贏大錢, 不過驚咗一晚. 黃國英說過股票大注大贏故事, 有沒有聽過? ...

  地鐵輪 都可以甘勁

  股票大注大贏.......... 很少呢 !!

黃國英故仔事, 未聽過 !

愛吃草

計我話玩返正股最好

宜守宜攻,只要你比一些心機做功課,基本上好少輸錢

以一個簡單點的股票例子來講,0006 雖然升得慢,但係穩步上揚

小弟搵錢不多 但都成功用5萬滾到50萬 6年時間

roadmanz

愛吃草,

只做股票, 熊市便只有等

天音

原帖由 roadmanz 於 2010-11-9 06:31 發表
愛吃草,

只做股票, 熊市便只有等

  08 年等到 10 ......... 家吓出5出貨, 囉囉 lun

roadmanz

三叔,

每個人性格不同, 好難答你

愛吃草

原帖由 roadmanz 於 2010-11-9 06:31 發表
愛吃草,

只做股票, 熊市便只有等

熊市都有投資機會 只是機會多還是少而已 沒一隻股票是插水式下跌的

買乜證物證基本上買入個分鐘已經在輸錢 淨係講時間值損耗 已經係呃錢了

上面141有說做盤個d我都唔講了

我自問係蠢仔 董標:馬會守收叻仔(同一道理)

玩輪個d都係叻仔

[ 本帖最後由 愛吃草 於 2010-11-9 16:55 編輯 ]

roadmanz

愛吃草,

六, 七年前我也看不起短炒的人. 時間會改變一個人, 說不定六, 七年後我又不再炒輪

愛吃草

原帖由 roadmanz 於 2010-11-9 19:43 發表
愛吃草,

六, 七年前我也看不起短炒的人. 時間會改變一個人, 說不定六, 七年後我又不再炒輪

唔係 投資各有溝道 搵到錢咪得囉
有人炒外匯 有人炒期貨 有人炒孖展 有人炒貴金屬

短炒又好 長炒都好 萬變不離其宗

roadmanz

11/21 續

三 日經輪

日經開市時間為0800-1000及1130-1400, 有一天我在想日經既然會影響港股, 那麼倒轉也應該成立. 而且有趣的是有一個發行商的日經輪在1000-1130可以買賣兼不會變動, 為安全我再參考韓國在該時段之表現. 雖然偶然日經會行自己的路, 但此法尚算可以. 直到有一天我入貨太多觸動了莊家神經, 他才修補漏洞

四 收牌
又係一件奇事, 莊家居然會在午飯時忘記收牌, 尤其早兩年會經常發生, 遇著午後大波動市況, 基本上係送錢, 可惜電腦不及對手快, 所以通常只有恨字. 現在情況大為改善, 只會間中出現此情形.

後記:
本篇為最終回, 如果問我靠炒輪為生最困難是什麼? 不是沒有穩定收入, 而係悶(每天只是在等待的心情, 試過才明), 還有附近不要有人裝修. 多謝各位收看!

全文完