請香港人停止歧視內地同胞！

呀邊個邊個

各位香港人：

一直以來，好多香港人都歧視大陸人，話大陸人冇文化，話大陸產品樣樣都係假。好似香港人大曬，香港人比大陸人好勁多，但係，大家又係咪未免過於偏激，以偏概全呢？

好多人話，大陸人周街吐痰，大小二便，打尖插隊，大聲夾惡，呢樣衰，個樣衰。但係，實際情況又係咪好似大家所講，大陸人都係咁冇文化呢？

請大家記得，中國係一個發展中國家，唔係發達國家。你地經常用中國同發達國家比較，其實係好唔公平既。有人話，大陸產品好唔安全。既然大陸係一個發展中國家，品質自然冇發達國家咁好。以前國貨公司賣既野，都受到國家監控。但係E+好多野根本冇受到監控，品質自然差好多，而且好多產品係重量不重質，又下下免檢，點會唔出事？呢D就要怪共產黨中央既政策太「亞克西」！另一方面，發展中國家總會有D地方發展得唔平均。老一輩人受到以前既政策影響，冇受過優良既教育，自然會做出D比較冇文化既行為。

鄧小平主張既「一部分先富起來」，令到某D地方條件好好多，某D地方仍然一窮二白。係好既地方，例如北京，生活係大都市既人，受既教育比較優良，生活條件更唔使講，佢地根本冇需要黎香港生活，即便黎旅遊，亦都唔會窮到要參加D平價購物團，黎到香港都會好似係自己既城市咁守規矩。唔通受過優良教育既香港人，去到外國又會變成唔守規矩，隨地吐痰？同樣道理，呢D來自大城市既人，一樣唔會變成唔守規矩。

反而係一D偏遠郊區，落後農村既人，佢地受既教育根本冇咁好，好多都係靠耕田維生，黎到香港呢D大都市，當然係大鄉里出城。隨地吐痰？係農村冇人理，係香港咪繼續隨地吐痰lor。隨地大小便？係D農田大小便等於施肥添~ 咁黎到香港，咪照樣咁lor。咁但係係北京上海呢D城市，係有人會理呢D醜陋行為家嘛，所以城市人係唔會咁做，反而D農村人係會比較冇文化。

內地既發展尚未完善，改革開放先至得30年，都未發展完就下定論，合理咩？反而香港，一個開埠170年既發達城市，竟然仲會有年輕人作出一D不文明既行為，被人稱為港男港女，咁係咪又可以用「港女」話全部香港人冇文化，唔文明呢？香港一樣有人隨地吐痰，大聲夾惡，係咪又可以話全香港人都唔衛生呢？太以偏概全啦！請大家唔好再以偏概全，大陸有部分人唔文明，香港都一樣有！唔好以為大陸有部分人唔文明，就等於全部大陸人都唔文明！香港一樣有大把唔文明既人，照咁講，香港一樣係一個唔文明既都市！

既然咁講，如果大家見到D大陸農村人就話大陸人冇文化，咁大家見到D港女冇禮貌個陣，就都話埋香港人冇文化啦！ E+唔係港人至上架啦！香港人再咁自大，遲早俾其他人超越曬都唔知！請大家唔好再咁嚴重歧視大陸人！

逗利是佛

歧視令人群分化,分化衍生出對立,對立激化成矛盾,矛盾可引發衝突,衝突再去又是甚麼呢?

mastertim

原帖由 呀邊個邊個 於 2010-7-31 07:30 發表
各位香港人：

一直以來，好多香港人都歧視大陸人，話大陸人冇文化，話大陸產品樣樣都係假。好似香港人大曬，香港人比大陸人好勁多，但係，大家又係咪未免過於偏激，以偏概全呢？

好多人話，大陸人周街吐痰，大小二便，打尖插隊，大聲夾惡，呢樣 ...

唔知樓主為何有如此慨嘆,似乎曾經受過香港人歧視的眼光,查實今時今日,在香港街頭,只有白痴的香港人才會對身懷巨款的大陸人抱有歧視的眼光,來香港的國內客人都是香港人的衣食父母,你所講的普遍情況,在過去10年己經基本絶跡.

不過,話分兩頭,由於社會制度同司法制度的不同,的確存在許多差異,小弟在此就不多說了.但有一點本人想講的就係:無論係香港人同大陸人,台灣人都好,都係中華民族的一份子,無分你我,大家承載的都是中華民族五千多年的傳統文化,過去100年大家走的路有所不同,因此,造成今天的結果,中國人不應認為自己是發展中國家,就可寬恕毒奶粉在市面流通的現象,不錯,一個社會的文明是需要時間來培養,但大家必須要有一個公認的準則,才能向文明的方向發展.希望樓主能多讀點道家的書,多一點寬容及包容,少點怨恨,香港人也一樣,有則改之,無則加免.

ahsir

我在歐州見到大商店機塲酒店告示牌有 "RMB Accepted". 感以中國人為榮

郎君

一樣米,養百樣人.族大有乞兒.有D黑鬼,巴基是蛋,小數民族都無禮貌喇.

beyondiv

各位,


  我十分歧視落黎攞福利個班大陸人, 我地香港祖先5代積存既財富, 全部都比曬佢地, 佢地落黎攞好似應分咁!!! 我都知呢d係個仆街政府既錯!!!
香港人申請公屋, 以本人為例, 由2004年到而家都仲未有, 已經6年, 而且冇得choice市區, 而佢地落黎唔駛3個月, 已經派樓比佢地, 完全唔駛查!!!!

  香港人申請綜綬, 左查右查, 有幾千蚊積蓄既都唔批, 佢地就查都唔駛查, 只係需要登記就即批, 我剩係知佢地咩都有得claim, 連買對鞋, 買副眼鏡都有得claim, 如果香港人, 食屎就有!!!!

  日日有錢去買金買股票係邊個?? 唔係香港人, 係佢地!!! 我有個朋友個親屬係大陸人, 佢係上面有1間廠, 3個單位, 2部私用車,1部貨車, 佢都申請落左黎攞綜綬, 1個月批6000幾比佢, 仲choice左九龍灣d公屋, 佢話佢經常落黎消費行街, 所以攞間公屋當酒店喎, 嘩!!容易到!!! 香港人等下啦!!

  D物價高, 樓貴, 係因為同另一班有錢既正宗旅客龐大既消費力有關, 佢地大多錢, 買樓多過您食飯, 香港人冇錢買, 佢地有, 零售方面香港人減少消費咩, 佢地又黎填補, d野又點會減價呢, 所以香港人往後真係唔知點啦!!

  講到阿珍事件, 佢成日話自己係香港人, 其實佢只係黎香港10年既新移民o即, 正宗土生土長既香港人係有專業操手架, 又點會咁, 只係佢地先做得出!!


   不過今時今日咁既局面, 完全政府政策既錯, 攪到香港好多人(包括我)對佢地心存怨恨, 係不自覺發出黎, 自己都唔想歧視佢地, 不過真係好難, 因為自己畢竟係人, 有情慾既!!

  以上純粹個人意見, 但全屬真實, 如有唔岩聽, 請勿見怪!!!

阪本龍一

重複....????

[ 本帖最後由 阪本龍一 於 2010-7-31 22:32 編輯 ]

呀邊個邊個

原帖由 beyondiv 於 2010-7-31 13:53 發表
各位,


  我十分歧視落黎攞福利個班大陸人, 我地香港祖先5代積存既財富, 全部都比曬佢地, 佢地落黎攞好似應分咁!!! 我都知呢d係個仆街政府既錯!!!
香港人申請公屋, 以本人為例, 由2004年到而家都仲未有, 已經6年,  ...

咁你問下果d比錢出黎幫佢地打官司o既政黨, 有時有好多野係香港人自己申請.......