5蚊人仔玩到斷電

力王ER

呢個位於肇慶嘅兒童公園,面積真係大到行唔晒。最吸引一定係嗰個成十幾米高嘅「巨型攀爬網」同埋薄荷綠「夢幻童話城堡」,既可玩又可以打卡影相.

園內有超過140 項無動力遊樂設施,巨型螺旋滑梯、無敵大沙池、攀爬陣應有盡有。仲有夏天必玩嘅玩水區,同埋細蚊仔見到會尖叫嘅英倫風小火車.

講真,喺香港玩個細細地嘅室內 Playroom 分分鐘都要過百蚊,呢度竟然只要$5蚊雞(仲要1.2米以下小童免費),個場仲要大香港十幾倍,空氣又好,呢個 CP值真係不得了,伏味絕對係零呀!

地點: 廣東省肇慶市鼎湖區東進大道「肇慶市兒童公園」
交通: 香港西九龍站搭高鐵直達「肇慶東站」
轉乘的士約15-20 分鐘即達(超級方便!)
門票:普通飛$5人民幣(1.2米以下小 童、60歲以上長者憑證免費)
時間: 9:00-18:00 (17:30 停止入園)

小貼士:園區極大,建議朝早開門就去避開人潮;另外記得帶定多套替換衣物同毛巾,玩水區同沙池必備!