唔值得追嘅女仔嘅八種行為

subcrew523

第一種，訊息成日好遲先覆，或者隔好耐先覆，而且唔解釋。

第二種，你哋約會過幾次，次次都係你俾錢，連買支水都係你埋單，或者啱啱約會就叫你請佢食平時佢自己都食唔起嘅嘢。

第三種，關係仲未有任何實際進展嘅時候，雖然每次約會傾偈都會配合你，但係你哋嘅關係好似停咗喺好朋友嘅狀態，連曖昧都講唔上，你每次想推前少少，佢都會選擇扮傻，或者唔拒絕又唔回應，等你摸唔清佢鍾唔鍾意你。

第四種，就係好難約出嚟。每次約佢出街，好似求爺爺求奶奶咁，唔係今日朋友嚟就係聽日有嘢做，佢連一餐飯嘅時間都唔肯俾你，呢個唔係怕醜，係唔鍾意你

第五種，雖然佢同你出咗嚟約會，但係佢嘅注意力全喺手機度，你問乜佢答乜，完全唔會主動搵話題、開話題

第六種，成日喺你面前讚第啲男仔點樣點樣叻，例如讚自己閨密嘅男朋友有實力又大方，或者自己嘅男同學年紀輕輕就財務自由，又或者話之前追佢嘅男仔揸咩車、送佢幾貴嘅禮物、有幾用心咁。呢種都係想屈你

第七種，如果一個女仔成日喺你面前表現得好完美，性格開朗大方，冇向你展露過自己嘅瑕疵同負面情緒，咁呢個女仔大機會都係唔鍾意你，因為喺佢心目中，你仲係個外人，所以需要喺你面前撐住，時刻保持形象，仲會同你保持距離。

第八種，你哋日日都會傾偈，仲好有傾訴慾，但永遠都係講自己嘅嘢，從來唔會主動問你嘅情況