好耐冇食砂鍋粥,呢間必食,可以揀唔同嘅海鮮或者肉類,豐儉由人,最鍾意半斤蝦加半斤鮑魚,咁樣煲出嚟嘅粥非常綿密、非常鮮甜,佢勁足料,海鮮分分鐘多過粥.
呢度仲有串燒,肉類、海鮮、蔬菜全部都有,而且價錢相宜,梗係要叫幾串嚟食啦無論羊肉定係雞脆骨,都非常香口,值得推介.
佢嘅小炒都好出色,例如秘製三杯豬手,豬手煮到非常軟糯,入口即化,好香好入味,肥而不膩.
豉椒炒花甲亦一絕,粒粒都非常飽滿,炒得入味夠鑊氣,食落非常惹味!
就算簡簡單單叫個炒菜心,都非常夠鑊氣.
除了好食，環境都相當唔錯,夜晚更可以睇到噴水表演,無論午餐、晚餐定係宵夜,都非常正. |
在線雷達
發表於 
廣播
置頂
超級提昇
強效提昇
推舊帖
收嗲鳥
油顏色
發表於 
