正宗贛菜

力王ER

呢間明廚現炒、非常抵食、份量又足嘅22年江西老字號贛菜品牌,係深圳都好受歡迎。

首先一定要試吓佢嘅瓦罐湯系列,15蚊一位,每日清晨5點就開始煲湯,仲有翅湯鱸魚奶白濃湯,真係奶白色,非常濃郁非常鮮甜。

炒菜方面,大家一定會鍾意食生炒吊龍,贛式風味嘅鮮辣小炒牛肉,色香味俱全,少少辣,非常惹味,而梅乾菜燒鳳爪都係呢度嘅招牌,大大隻嘅鳳爪,煮到非常入味非常軟糯,佢嗰醬汁好好味,值得一試。

當然唔少得香味十足嘅非遺三杯雞,係枱邊現煮,睇到流曬口水,送飯一流。

另外更有瓦罐豬手,佢嘅豬手真係做得軟糯入味,而且份量勁足,成枱人都夠食 最後點個健康嘅手撕包菜,同樣鑊氣十足,非常爽口。

最後點番一杯青瓷奶茶、青瓷玫璀米布同埋桂花年糕,全部打卡一流,而且味道都好好,奶茶同出面奶茶店嘅一樣級數,而年糕非常有嚼勁,會越咬越香。

榮譽會員

名菜三杯雞

howardwo

江西菜有啲辣，幾啱食，有機會試下！