加大版Labubu

力王ER

各位Labubu粉絲注意喇！
平時喺香港抽盲盒抽到懷疑人生?今個週末一於直接過關,事關深圳竟然空降咗隻 「巨無霸」級嘅Labubu俾大家免費任影！

呢隻超巨型Labubu換上咗特別版「The Monsters」10號足球波衫,霸氣十足踩住個足球,露出標誌性嘅狡猾笑容,唔單止隻公仔巨大化,旁邊仲有神還原嘅復古大電視同埋巨型金盃,成個Vibe超有活力,打卡一流！

重點係個環境,今次展出地點喺南山區嘅人才公園,一大片綠油油嘅環形草坪,背後就係深圳地標「春筍」,空間感大到無倫!喺香港真係好難搵到咁大片草地俾你慢慢影相唔洗同人迫。逛完公園仲可以去附近商場飲杯嘢、食個大餐,性價比極高,完美解決週末煩惱。