潤滿南風椰子雞

力王ER

呢間椰子雞,佢嘅雞養足180日,所有食材都非常新鮮,而且環境舒適,離關口又近,隨時想食都可以去。

首先梗係要叫竹笙皇小馬蹄椰子雞,湯底非常鮮甜, 加上肉質厚實嘅闇雞,又滋補又好味竹笙非常入味,加埋爽口嘅小馬蹄,點食都唔厭。

食完再點一份海鮮拼盤嚟打邊爐,就啱晒啦,佢嘅海鮮每日新鮮到店,現撈現吃,每款都非常肥美,非常新鮮,仲可以點份撈汁小海鮮,非常惹味。

打邊爐梗係要食牛肉啦,呢度嘅手切鮮牛肉同埋潮汕手工熟牛丸都非常高質,恰一陣就食得,口感好好。

點少得招牌煲仔飯,呢份超級臘味煲仔飯真係非常香,仲有飯焦,食到停唔到口。