第一次試荃灣新開「健康美養生館」｜肩頸即刻鬆晒，瞓覺都舒服咗！

立志abc · 發表於 4 天前

最近見到荃灣開咗間新開「健康美養生館」，啱啱放工經過就上去試下頭肩頸按摩。新場環境幾舒服，地方乾淨企理，裝修簡潔，燈光柔和，一入去已經覺得幾放鬆，冇一般按摩店嗰種好嘈雜嘅感覺。

按摩師都幾細心，會先問平時邊度最攰，同埋有冇長期肩頸痛問題。我平時成日低頭玩手機同對電腦，所以肩頸位特別硬。按落去真係按到啲酸痛位，但力度唔會太大，按完整個人鬆晒，頭都輕咗好多。

最有感覺係做完之後晚黑瞓得幾好，第二日起身肩頸冇以前咁僵，精神都好咗。店員態度都唔錯，唔會不停hard sell，價錢算合理。

如果平時返工壓力大、肩頸攰或者想搵地方放鬆下，我覺得可以試下。之後應該會再去試埋香薰淋巴排毒。