江旻憓解釋「食咗飯未」背後意義 指承載人與人之間的溫度

GIRLAV

江旻憓上年宣布參選立法會選舉嗰陣，被重重記者連番追問，佢一句「食咗飯未？」嘅回應成為熱話。上任大約5個月，佢提到其實問人「食咗飯未」係最直接嘅關心，承載人與人之間嘅溫度。

提到民以食為天
立法會在5月7日討論推動「旅遊加飲食」嘅議員議案，作為旅遊界議員，江旻憓非常認同議案。佢發言話「民以食為天」代表中國飲食文化底蘊，喺過去物資短缺嘅年代，問對方一句「食咗飯未」就係最直接嘅關心，呢種文化習慣承載住人與人之間嘅溫度。

江旻憓認同美食係世界共通語言，透過香港飲食獨特嘅人情味同活力，可以直接說好香港故事。佢建議善用美食，激活公共空間同埋非傳統旅遊區域。佢相信將景點同美食結合，可以創造更難忘嘅回憶。