何敬康直指香港豬扒包比澳門好吃但港人貪「隔離飯香」

GIRLAV · 發表於昨天 11:13

立法會5月7日討論推動「旅遊加飲食」嘅議員議案，新民黨立法會議員何敬康就直指澳門食物極度普通，香港應該仿傚將美食「儀式化」，吸引更多旅客訪港。

指香港人貪「隔離飯香」
何敬康同澳門有相當密切嘅關係，不過都冇面畀。佢今日喺立法會會議發言，話澳門官也街有好多間老字號，賣豬扒包、葡撻、牛雜、杏仁餅等等。佢話其實全部喺香港都有得吃，但唔知點解會塑造成澳門嘅珍饈百味，變成必食清單。何敬康話夠膽講句，香港嘅豬扒包好食過澳門，不過香港人就貪「隔離飯香」，專程搭船去。佢提議香港借鑑澳門做法，喺網上製造話題，宣傳香港嘅特色小食。

署理文化體育及旅遊局局長劉震總體回應話，旅發局會繼續利用社交媒體渠道同網站推廣，以及會同內地、海外知名媒體合作，拍攝香港飲食節目，加深旅客對香港美食嘅認識，令佢哋將香港美食加入行程嘅必試清單。另外，旅發局會繼續邀請全球各地媒體、名人同網紅，親身嚟香港品嚐美食，全方位展現香港嘅獨有魅力。