鄭少秋疑似發感言報平安親證退休 曾被傳受大女離世打擊神隱多時

GIRLAV

79歲嘅鄭少秋（秋官）同圈外女友盧慧茹所生嘅大女鄭安儀，2023年驚傳在美國加州離世，終年55歲。有指秋官為此大受打擊，近年鮮有現身。

有個名為「秋官藝術館鮮動網絡」嘅社交平台帳號，於3月24日（即鄭少秋生日一個月）發布了一則署名「秋哥」發表嘅《2026年生日感言》，內文寫道「有收到大家的祝福和關心，在這退休時間我生活節奏放慢，但還是有做些運動，做些自己喜歡的事。交際應酬我一向都不喜歡，所以你們較少見到我，不要擔心！這半年來世界和香港都發生不幸事件！希望大家生活開心，身體健康，世界和平！」。

網民相信感言係鄭少秋親自向粉絲報平安，但亦惋惜秋官言詞間宣布退休，相當不捨。秋官同肥姐沈殿霞嘅女兒鄭欣宜，近年都因為身體狀況而休息。鄭少秋多年拍檔汪明荃於鄭安儀離世後曾表示唔擔心兩個女接連有事對秋官有打擊，仲話「佢咁大個人識得處理，佢係大俠嚟」。

鄭少秋多年前接受陳志雲訪問時，承認同盧慧茹因性格不合而分開，亦認同對鄭安儀最虧欠，因為自己付出唔夠。秋官當時指得知安儀同媽媽「唔係咁好」，性格較為偏激，但唔會怪大女唔見佢，因為佢喺父母分開下成長，亦強調一樣愛錫大女。

howardwo

加油加油