|
|
現年34歲嘅阮嘉敏（Mandy），2016年落選香港小姐後加入無綫，之後入讀藝員訓練班。2017年開始擔任《東張西望》外景主持及為其他綜藝節目演出，不過佢喺2022年5月離開《東張西望》節目組。另外佢亦參與《逆緣》、《誇時代》及《靈戲逼人》劇集等拍攝，但事業發展一直平平。近日佢跟隨趨勢返內地拍短劇，正式升呢做女一。
近日阮嘉敏喺IG出PO，上載短劇《瘦一斤賺一斤虐哭前任不過癮》海報，及透露自己第一次拍攝短劇嘅興奮心情，及該短劇即使開播，留言：「我的第一套短劇🤍當幾個月前知道可以有機會去西安拍短劇，身邊人比我更加興奮😆因為我家中偉大的母親同身邊啲朋友都瘋狂熱愛追短劇，紅果APP上線，多多支持！」呢個PO一出，唔少網民紛紛留言表示支持，例如：「正、一定睇😍支持你」、「一定支持🔥🔥👏👏」、「一口氣睇完八十集。❤️」、「好開心呀😁終於有得睇啦🥳希望Mandy繼續拍多啲劇比大家睇吖」及「Mandy加油」等等。
短劇《瘦一斤賺一斤虐哭前任不過癮》由阮嘉敏孭飛，劇情主要講述重240斤被男朋友背叛出軌後，減肥逆襲嘅故事，至今網上瀏覽逾3千萬人次。喺接受傳媒訪問時，阮嘉敏表示希望短期收視越來越好，佢當時收到拍劇通知嘅時候，有即刻通知屋企人，而屋企人俾佢更開心，因為阮媽媽好鍾意睇短劇。首次拍攝短劇嘅佢覺得短劇節奏快及故事緊湊，所以情緒要來就來，係一次好好嘅體驗，同時佢亦希望下次可以演得更好。 |
|
在線雷達
發表於 
廣播
置頂
超級提昇
強效提昇
推舊帖
收嗲鳥
油顏色
