|
|
《東張西望》正在跟進一宗令人髮指嘅性侵疑案。舉報人陳小姐聲稱喺交友平台認識到一名育有14歲兒子嘅單親爸爸，但係呢位爸爸開宗明義係想搵人同佢兩父子「多人運動」！
陳小姐指該位爸爸自稱離婚後就同個仔相依為命，更表示個仔開始對性產生好奇，於是想上網結識女性，同父子一齊發生性行為以滿足個仔嘅需要，仲叫陳小姐對個仔溫柔啲，又話「之後就會加入」。陳小姐認為「三人行」只係個「獸父」而唔係佢個仔嘅想法，又認為該男子邀請緊人侵犯佢個仔，係當個仔洩慾工具，於是繼續同獸父通訊以蒐集罪證。
該名男子不斷游說陳小姐見面，因為好難搵到年輕女性有興趣咁做，甚至願意以個仔嘅身份證明文件確認年齡，甚至發個仔嘅下體照片！更過份嘅係單親父聲稱曾侵犯兒子，個仔9歲時已經被爸爸摸，到12、13歲更與兒子有性行為。節目中提及陳小姐以搜集到嘅證據報警，但警方表示冇「獸父」真實聯絡方法，而且未能確定裸照中人係咪未成年，故此只能備案處理，陳小姐唯有報《東張》，因為「想幫到呢個細路仔」。
後來《東張》團隊協助陳小姐同「獸父」見面，片段中負責採訪嘅梁敏巧見到疑似「獸父」即刻追落樓梯跟實目標人物，追問對方有冇侵犯個仔。該男子於是用袋遮面急急腳走人，但係梁敏巧鍥而不捨上前追問「你係唔係心虛呀」，仲影到「獸父」懷疑刪走手機內容。節目尾聲見到「獸父」被帶上警車。唔少網民都大讚舉報人陳小姐同梁敏巧相當勇敢！
警方表示就一名男子向一名女子傳送懷疑兒童不雅照片嘅事件，經調查後於2月12日拘捕一名59歲男子，涉嫌發佈兒童色情物品。傳媒得到嘅消息指，被捕人承認以網上下載嘅兒童裸照發俾報案人，而被捕男子嘅子女已經成年。 |
|
在線雷達
發表於 2026-3-10 13:53:46
廣播
置頂
超級提昇
強效提昇
推舊帖
收嗲鳥
油顏色
