陳星妤狂晒日本奢華遊靚相 懶理被質疑「忽然富貴」當另類宣傳

GIRLAV

陳星妤（Yvette）2021年參加香港小姐競選，當年先後被指撞樣多位明星，被譽為「理大吳千語」及「翻版方媛」，成為大熱人選；不過最後大熱倒灶。陳星妤加入TVB後，先後被安排參與綜藝節目和主持，包括《男神廚房》、《讀心專家》、《Tell Me Wine》、《破解讀心理》，其中喺《吃貨橫掃曼谷》泳衣上陣加埋嬉水、出浴等鏡頭令其人氣急升。2023年，陳星妤憑劇集《一舞傾城》中飾演「萬國城最後一個處女」KK一角一炮而紅，甜美笑容加上自然演繹令觀眾眼前一亮，一度被視為新一代小花接班人；不過近年陳星妤工作量平均一年僅拍一兩部劇，曝光率未算高。奇妙嘅係，陳星妤生活卻越來越富貴寫意。

陳星妤早前喺社交平台分享近況，上載多輯到日本滑雪旅行嘅靚相和短片，掀起網民熱議；從照片所見，陳星妤全副滑雪裝備現身當地頂級雪場，動作俐落又專業，之後又換上奢華浴衣，喺高級溫泉中泡湯放鬆，雪景加美人，畫面極養眼。唔少網民大讚陳星妤生活充滿儀式感，但亦有網民忍唔住質疑陳星妤劇集產量唔多，點解可以周遊列國。事實上陳星妤一向熱愛旅遊，其社交平台幾乎變成旅遊日誌，歐洲、東南亞、日本都有佢嘅足跡。每次出行都精心打扮，名牌手袋、高級食府樣樣齊，生活品味不輸富家女。相比之下，陳星妤演藝作品顯得相對低調，節奏佛系，因此網民不時質疑佢忽然富貴，甚至有人猜測背後有神秘金主。面對傳聞，陳星妤一貫保持冷靜態度，未有正面回應，只表示當係另類宣傳。