Angelababy離婚4年被爆疑有新戀情 回流香港譜姊弟戀

GIRLAV

Angelababy（楊穎）早年以模特兒身份入行，為「𡃁模始祖」，其甜美外貌吸引無數網民關注，亦成為時裝品牌嘅廣告新寵兒。Angelababy與黃曉明於2015年舉行世紀婚禮，二人育有兒子「小海綿」，可惜於2022年結束7年婚姻。Angelababy事業家庭兩兼顧，不過曾經喺2023年被指前往法國觀看《瘋馬秀》，引發軒然大波，演藝事業幾乎停擺。Angelababy離婚以來，其感情走向一直成為網民關注焦點。近日，內地知名狗仔「劉大錘」喺直播中爆料，指Angelababy離婚後疑似已有新戀情，

劉大錘表示對象係一名香港年下男，聲稱早就聽聞過呢段姊弟戀，但就承認目前未有拍到任何實質畫面或照片，暫時冇拿得出手嘅證據。除咗香港新歡傳聞，劉大錘更大爆Angelababy喺橫店拍戲嘅舊事，表示Angelababy疑似與男友幽會，但其工作人員立刻否認，強調「假，我姐單身」，劉大錘頗為不滿，更在直播中語氣激動地吐槽此事。消息曝光後，即刻喺網上引起熱烈討論，部分粉絲認為Angelababy離婚多年，再談戀愛係正常不過嘅事，只希望佢能搵到幸福；亦有網民表示劉大錘並冇任何圖像證據，質疑佢只係藉機炒作，唔少網民對爆料真實性抱持懷疑態度。目前，Angelababy方面尚未對所謂「香港年下男友」一事作出正面回應，一切仍停留在傳聞階段。

howardwo

有咁嘅樹！