57歲馬德鐘自爆患先天性強直性脊椎炎曾瞓醒全身郁唔到要叫救護車送院

GIRLAV · 發表於 2026-2-27 18:37:34

現年57歲嘅馬德鐘，一向出名高大有型，一直以嚟都保持著健碩嘅身材，雖然年過半百，但仍保養得宜，被封男神。早前佢出席TVB劇集《非常檢控觀》宣傳活動，喺訪問期間自爆患「先天性強直性脊椎炎」。

馬德鐘喺劇集宣傳活動上拗腰扮跳芭蕾舞，事後接受傳媒訪問時表示好彩吳偉豪喺後面撐住佢，動作難度極高，兼自爆患上先天性遺傳疾病「先天性強直性脊椎炎」，而呢個病係終生都唔會康復，，痛楚嚟得毫無預兆，喺30至40歲嘅病發高峰期，最嚴重會導致隨時死亡。馬德鐘被病情折磨數十年，好彩現時已經穩定，並有藥物控制，唔會再惡化，所以唔使太擔心。

另外佢喺個人影片頻道亦曾透露病情，表示喺20歲起開始腰部經常劇痛，原本醫生以為運動勞損，不過後來發現有「B27基因」，並證實患上「先天性強直性脊椎炎」。呢個病除咗腰痛，仲會喺呼吸時胸椎位置出現劇痛，甚至無法呼吸。而喺照X光後，發現佢嘅骨骼有很多位置已融在一起，導致佢喺G4特警訓練病發時，背脊僵直郁唔到，搞到教官誤會佢詐病偷懶。而佢亦有講到最恐怖嘅經歷，就係佢試過瞓醒覺就全身郁唔到，完全落唔到床，最後要叫救護車送院。