翁靜晶雪梨自爆未成年時險遭圈中人狼吻 疑似色魔曾經係「大台高層」

GIRLAV

早前美國政府披露涉及性罪行、已故富豪愛潑斯坦嘅案件文件，由於唔少受害人都係未成年，令大眾再次關注女性同兒童受侵犯嘅問題。喺香港十幾歲就入行嘅翁靜晶喺自己嘅youtube節目《危險人物2.0》，同嘉賓雪梨大爆娛圈性侵事件，原來兩位女星少年時代都曾經險遭狼吻，簡直令人髮指。

翁靜晶同雪梨都係同期出道，加上年齡相近，因此一早認識。佢地首先提到二人共同朋友、前TVB花旦黃曼凝，大爆當年黃離開娛圈後，有人介紹佢去北京見老闆傾生意，但原來係一個局。翁靜晶指黃曼凝「遇到一啲好『唔好』嘅暴力，有個老細喺北京，發生咗相當唔好嘅嘢……即係男人同女人啦」，黃曼凝要「反抗到底」、「門都踢爛埋」。翁靜晶未有明言發生咩事，不過都呼之欲出。

後來翁靜晶自爆十幾歲時，有次同泰迪羅賓等人去爵士酒吧飲嘢。因為翁靜晶覺得悶想走先，泰迪羅賓建議由一位身型細粒、後來成為導演嘅哥哥送翁回家。「嗰個係壞人嚟架，佢車咗我去佢屋企，話佢架車喺對面車房整緊，就嚟整好。結果郁手郁腳」。翁靜晶更指該名心懷不軌嘅男人仲拎埋手槍出嚟想迫佢就範。學過功夫嘅翁靜晶發揮烈女本色，同嗰個色狼打起上嚟。「我同佢講『你得手都死呀，我第一時間返去同阿媽講。我未夠年齡，你監都有得坐」，超霸氣。翁靜晶仲即刻折返酒吧同泰迪羅賓「報寸」。

隨後雪梨都分享類似經驗，佢話當年喺TVB拍完第一套戲，同高層一齊去尖沙咀夜總會蒲。飲大左嘅雪梨瞓低休息後，感覺到有人對佢上下其手，好在當時另一男藝人黃樹棠見狀阻止。「（黃）一嘢就執起佢（色狼）靚妹都搞？」，並且出手打色狼。雪梨形容該人當時係「TVB高層」、更加係「第一把交椅」。

howardwo

高層淫魔