91歲羅蘭現身尖沙咀表情徬徨 網民心疼獨自出行

GIRLAV

現年91歲嘅羅蘭，從影逾80年，陪伴咗無數觀眾成長，當中以恐怖片《七月十四》中飾演龍婆一角深入民心，被網民封為「香港鬼后」。近日有網民喺尖沙嘴文化中心附近見到羅蘭嘅身影，影片中嘅佢著上白色外套配紫色長褲，雖然佢面色唔錯，不過佢身邊冇人陪伴，自己一個喺樓梯間，表情徬徨，好似唔知想去邊咁。

影片出街後，唔少網民紛紛留言心疼羅蘭獨自出行及大讚佢精神不俗，例如「感覺羅蘭姐有點無助！」、「去看看羅蘭姐啊，你們怎麼都不理她」、「看到羅蘭姐，突然覺得有點難過，她一直老的狀態，只是怎麼就到了需要人扶的狀態了呢」、「我的嘛呀……台階上那個龍婆你們看不見嗎」、「羅蘭姨站在上面等人扶嗎？」、「羅蘭依舊氣質滿滿」及「羅蘭姐仲好精神！犀利！」等等。

較早前胡楓（修哥）生日，圈中大批後輩及好友到場祝賀，不過就未見羅蘭身影；其後二人喺另一聚會上出現，但未有互動，而羅蘭嘅精神亦冇以前咁好，情況令人關注。去年10月羅蘭喺出席TVB劇集《金式森林》宣傳活動，期間需要撐住拐杖，佢表示數月前喺屋企跌傷入院，由工人召救護車送院，留醫住院8日。

羅蘭姐日前亦有出席演藝人協會春茗，期間羅蘭姐精神飽滿，不少藝人上前跟她合照及拜年，問到羅蘭姐健康情況，她大方說：「腳麻麻地，天氣潮濕，腳會痛，新年都唔敢周圍去，驚多人。而家冇拍嘢，會喺屋企唸吓天主經、聖母經，朋友會打嚟傾吓偈，電視有節目教人做運動，我每日都會跟住節目做大半個鐘運動。」

howardwo

老當益牡