向海嵐陳妙瑛凍齡力驚人 驚喜合體掀網民集體回憶：不老的東宮西宮

GIRLAV

曾經係TVB兩大花旦嘅陳妙瑛和向海嵐當年拍攝《無頭東宮》令人印象深刻，二人私底下甚為老友，不時相約聚會，2024年陳妙瑛更到場欣賞向海嵐音樂劇《我們的青春日誌》演出。陳妙瑛和向海嵐曾為《萬千星輝頒獎典禮2024》馬來西亞獎項擔任頒獎嘉賓引起話題，被激讚睇落冇歲月痕跡。日前，向海嵐分享與陳妙瑛情人節聚會短片，亦被網民大讚凍齡力驚人。

向海嵐於2月14日情人節喺社交平台分享與陳妙瑛相聚短片，並寫上：「祝大家情人節快樂💖#如眼睛可分對或錯 #無頭東宮 #大妹細妹 #凌雲楚楚」，二人驚喜合體掀起網民集體回憶，紛紛留言：「這麼一瞬間，係大妹同細妹啊」、「好掛住你哋呀，東西宮」、「哈，最正嘅組合」、「哇，兩位又同框了」、「期待你地嘅復出」等等。除此之外，向海嵐與陳妙瑛嘅凍齡狀況惹網民激讚，當日二人皆以淡妝示人，皮膚白滑緊緻，依舊省鏡，網民紛紛留言：「點解無變老」、「兩個都係咁靚，真係童年回憶」、「哇！兩個都仲咁靚女」、「點解你哋仲可以keep得咁好，仲咁靚，超鍾意你哋拍嘅無頭東宮」、「兩個凍齡美人」、「不老的東宮西宮」等等。