周吉佩與老婆盛裝現身銅鑼灣惹熱議 女方以手掩胸舉動被網民嘲：心口痛咩

GIRLAV

周吉佩2022年參加《中年好聲音》奪得冠軍而重新出發，再次以歌手身份出道，工作機會增多。周吉佩曾坦言，港姐出身嘅太太黃彥欣本身係激烈反對佢參賽，曾因此爭執及冷戰3日，最終周吉佩向太太坦言僅想畀自己一個機會喺舞台唱歌，太太就唔再反對佢參賽，但都唔算係支持佢；直至比賽晉身十幾強，太太先至轉而支持佢。現在太太擔任其賢內助，無論大小事務都會幫手，更全職協助周吉佩打理音樂學校行政工作。近日周吉佩與太太黃彥欣盛裝現身銅鑼灣，短片曝光後，竟喺社交平台掀起激烈爭議。

有網民分享周吉佩與太太黃彥欣現身銅鑼灣嘅短片，從短片中看到周吉佩一身黑色西裝造型，黃彥欣則穿著優雅晚裝。然而畫面中，佢不時以手掩胸，此舉動即時惹來唔少負評，有網民批評佢極扮嘢：「心口痛咩」、「着得咁爆又驚人睇？」、「着得又怕露」等等。除咗黃彥欣被批，周吉佩同樣難逃攻擊。有網民認為佢未紅就扮巨星，直言冇好感，指做藝人要低調，只係扮型扮嘢好難做到大明星。

有網民就指出其實當日周吉佩與太太黃彥欣只係出席朋友嘅品牌開幕禮，打扮華麗只係配合活動場合，影像被拍到一刻真係咁啱剛喺路上經過，並非特意擺款，又有網民留言力撐周吉佩與太太黃彥欣衣著得體，氣質滿滿，指盛裝出席活動都要畀人鬧。

howardwo

多謝分享