洪天明移居深圳一家適應良好 兩個仔讀國際學校 「本地學校入唔到」

GIRLAV

唔少藝人將事業重心放喺內地之後，都會考慮全家遷居內地。早前洪天明同周家蔚就由原本居住嘅大埔比華利山別墅豪宅搬到深圳定居。

北上生活一個月後，洪天明尋日返港出席健身室開幕活動，談及一家對新生活適應良好。早排鄭嘉穎揚言後悔為讀開國際學校嘅小朋友報讀傳統學校，因為大仔喺國際學校冇學中文，而家要好多工夫先追上。天明都有遇到類似情況，因為2個仔以前讀國際學校，但而家想喺深圳讀中文好難追，本地學校又入唔到，好在搵到間內地國際學校，俾佢哋可以慢慢追上中文程度。

早前又有傳天明同太太周家蔚感情生變，天明話而家搬返內地可以多啲時間見面，但就話好奇怪，以前因為內地工作多搬返內地，到而家住深圳反而香港工作又多返。

洪天明同周家蔚2個仔分別已經13歲同10歲半，似乎各自盡得Daddy特質，大仔（洪大仁）鍾意踢足球，細仔（洪竟稀）雖然個性文靜，但係對演出好有興趣，鍾意唱歌之外仲試過去橫店探天明班時客串埋一份。洪天明認為小朋友前路自主，大個想做咩都可以，但點都要有學業基礎。

howardwo

原來係咁嘅！

howardwo

原來係咁嘅！