「洗米嫂」與繼子周柏豪赴英見證女兒碩士一級榮譽畢業 網民激讚與女兒似姊妹

GIRLAV

前太陽娛樂文化老闆周焯華（洗米華）入獄後，其太太「洗米嫂」陳慧玲（Heidi）變得低調，又作出新嘗試，與朋友創業賣養生湯。洗米嫂閒時都會喺社交平台分享生活與健身日常；日前大晒多張大女周梓潼（Virginia）英國碩士畢業照，寫道：「碩士畢業喇！又靚又叻！繼續努力keep going! We are loving you and supporting you always」。

洗米嫂日前與繼子周柏豪飛到英國倫敦見證女兒人生里程碑，除咗紀錄女兒上台領取畢業證書嘅時刻，一家人更喺河畔合照。網民紛紛留言恭喜，又大讚身穿畢業袍嘅周梓潼與媽媽洗米嫂如同餅印，顏值超高，遺傳媽媽優秀基因，而且比起母女更似係兩姊妹：「你們像twin sister多過母女」、「恭喜你妹妹畢業」、「好叻女呀」、「恭喜曬，女女越來越漂亮」。

洗米嫂亦晒出女兒周梓潼嘅畢業證書照片，周梓潼畢業於倫敦國王學院（King's College London），以「Pass with Distinction」碩士最高等級優異成績畢業，獲得臨床心理治療理學碩士學位，絕對係一名高顏值學霸，唔係空有其表。

howardwo

弓起弓起