|
|
張振朗與楊偲泳(Renci)於2019年被網民踢爆著情侶衫遊日本拍拖,及後公開戀情,二人一直愛得低調,不過偶然都會喺社交平台小放閃一下,例如楊偲泳喺去年情人節上載「男友視角」照片,寫道:「角色限定 售完即止!」,令張振朗宣示主權留言:「我買!」。二人拍拖6年,早已融入朋友圈,張振朗都會帶楊偲泳出席好友飯局;近日,二人與一班朋友到嘉年華玩樂,楊偲泳更罕有地於IG限時動態分享與張振朗和朋友嘅合照。
楊偲泳共分享3個限時動態,首先係一段玩小心觸電機遊戲嘅影片,影片中影住佢哋其中一名友人成功通過高難度遊戲,在旁嘅張振朗與楊偲泳即時興奮得大叫及手舞足蹈。之後楊偲泳上載自己拎住4大袋公仔嘅打卡照,大曬戰利品;另外又分享大合照,從合照中看到,每個人手上都抱住袋公仔,收穫滿滿,而楊偲泳與張振朗就企喺最旁邊,露出滿足笑容,唔少網民都指自己被閃盲。 |
|