周柏豪被「內地醫院」改圖變名醫 竟然唔係詐騙

GIRLAV

周柏豪近年主力內地發展，參加過唔少綜藝節目，喺內地有唔錯嘅知名度。近日有網民發現一張「杭州黃龍中心醫院」嘅傳單，上面印有疑似周柏豪被移花接木成為「香港名醫」、「主任醫師」嘅傳單，並且指該醫生「杭州巡診」、「擁有18年豐富巡診經驗」。唔通連詐騙集團都睇中柏豪嘅靚仔樣，用嚟招搖撞騙？

有眼利網民睇到傳單上嘅電話號碼1984－1112，即係周柏豪嘅出生日子！而「坐診日期」2025年9月13日當日喺杭州黃龍體育中心的確有一場周柏豪嘅粉絲見面活動。呢張傳單相信係內地周柏豪fans嘅應援物。有網民指內地唔少fans都有將偶像肖像整成名醫單張，又啱喎！見到自己鍾意嗰粒星，真係藥到病除架。

howardwo

無端端做咗醫生！