萬綺雯上載靚相賀55歲生日 網民激讚保養得宜：還是當年的馬小玲女神

GIRLAV

萬綺雯（蚊蚊）當年憑《我和殭屍有個約會》中飾演「馬小玲」一角走紅，又以42吋招牌煞食長腿聞名，係唔少人心目中嘅女神。萬綺雯淡出香港幕前多年，近年與老公陳十三移居內地生活，除咗出席商演活動及加入直播帶貨行列之外，佢仲同朋友喺浙江經營民宿，一嚐做老闆滋味。10月2日係蚊蚊嘅55歲生日，佢係社交網站出PO上載靚相，凍齡外貌及身材再獲網民激讚。

萬綺雯喺小紅書出PO，上載幾張靚相並寫上：「不知不覺又老了一歲 過去的一歲，也有好好在工作呀！#明星不止ab面 #又長大一歲 #一歲有一歲的味道」。凍齡有術嘅蚊蚊，外貌絕不似已經55歲，身材更加係十年如一日，難怪一眾網民除咗同佢講生日快樂之外，仲大讚佢保養得宜，例如「女神還是女神」、「狀態超好的」、「顏值依然很能打」、「你這個凍齡很利害」、「還是當年的馬小玲女神」、「不老不老超美的」、「依然這麼漂亮」、「年年十八，魚尾紋都没有，邊度老了」、「從我和殭屍有個約會認識的姐姐，如今姐姐還是姐姐，我都老成大姨了」、「歲月不敗美人」、「身材還是那麼好」及「點做到完全没變的 點保養」等等。

howardwo

我和疆屍有個約會