鄭裕玲與好姊妹相聚慶祝生日 位位凍齡美貌保養得宜 吳美珩罕有現身

GIRLAV

人緣不俗嘅鄭裕玲（Do姐）喺圈中有唔少好友，喺8月20日晩Do姐就喺社交網站上載與一班閨蜜丘凱敏、劉曉彤、顧紀筠、宣萱及吳美珩相聚嘅照片，照片中佢哋每一位都保養得宜，毫無歲月痕跡，令唔少網民大感驚嘆。

Do姐喺8月20日晚上載咗兩張與好姊妹相聚嘅照片，並留言話：「苦等兩年半，終於可以齊集六美聚首！可以想像我們有多高興、多愉悅！祝大家生日快樂，身體健康！！」喺照片中，眾人笑容滿面，並有三個蛋糕，並寫有「Happy Birthday」，為三位壽星女補祝及預祝生日。

呢個PO一出，網民們除咗留言祝賀之外，仲紛紛留言大讚每一位都keep都好好，特別係吳美珩，例如「美珩一樣咁靚！」、「吳美珩好似無老過咁既」、「吳美珩太靚了」、「美珩keep得超好」、「6位美人齊集，最緊要身體健康，由內靚到外」、「嘩，個人都keep 得好好喎，無變過呢！生日快樂！」及「全部都keep得好好 祝大家身體健康 友誼永固」等等；不過亦有網民認唔出企最左邊嘅劉曉彤，搞笑留言話「左一係黃子華？」及「第一眼以為韓瑪莉」。

howardwo

好姊妹聚會