|
|
王浩信離開TVB之後主力內地發展，早前佢同幾位前TVB男藝人吳卓羲、郭晉安、歐陽震華及高鈞賢喺綜藝節目《今晚好犀利》跳舞，仲係跳hit過好一陣子嘅《晚安大小姐》，但就俾網民認為跳得好尷尬 。
最近有網民喺社交平台貼出一條短片，話係返內地時睇到嘅電視片段，片中王浩信對住鏡頭食菜，但就用國語以唔同語氣講咗幾句「東北」。網民發文時就話「唔知做緊乜，原來跳舞都唔係最尷」，又呼籲「請停止虐待老人」。有網民認為王浩信嘅演技「個反應好似老人失智症咁」、「佢賺呢啲係辛苦錢黎」等。
不過搵返原片再睇，呢段王浩信嘅演出係來自內地綜藝《無限超越班3》。王浩信同其他參加者要爭取演出機會，被安排去到大排檔嘅場景，以隨機抽中嘅食物演一場戲，務求令評審曾志偉同薛家燕俾佢地過關。王浩信抽中嘅食物係東北菜，佢就設計角色係盲人，成場戲只係講「東北」2個字。食完一啖之後，王浩信演嘅盲人覺得唔對味，直接將菜吐出來，後來佢發現東北人食菜原來要點醬，點完驚為天人。平心而論，王浩信嘅演出比起其他參加者嚟講算係幾出眾，而且最後都得到曾志偉同薛家燕批准過關。王浩信同另外幾位過關嘅參加者，就因此有機會喺第二日演周星馳電影《食神》嘅其中一段。 |
|
在線雷達
發表於 
廣播
置頂
推舊帖
收嗲鳥
油顏色
