李家鼎山頂餐廳生意額跌3成 望靠口碑留住港人

GIRLAV

李家鼎（鼎爺）於飲食界大展拳腳，開設私房菜館和燒臘舖，更推出「鼎爺廚房」手工菜，包括家常便飯、巧手功夫煲、湯包、到節日盆菜、古法臘味等經典粵菜系列。8月14日鼎爺現身香港美食博覽出席宣傳活動，直言因港人北上消費，山頂廣場「鼎尚棋哥燒鵝湯館」生意額差咗約3成。

鼎爺表示因為業主收返鋪位嘅關係，山頂間餐廳搬咗落下一層，而家預備裝修，逐指內地與香港比較，內地租金、伙記都較平，地方又大，香港就燈油火蠟水電煤都貴，港人北上消費對做餐飲業絕對有影響。被問到會否叫業主減租，鼎爺回應業主反而會加租；對於止蝕圍皮方法，鼎爺指只有做好自己，做好啲食物，靠口碑留住港人。其實鼎爺嘅飲食生意從來都唔係一帆風順。李家鼎曾於2年內開咗3間食肆，2019年受社會運動影響，宣布位於中環嘅食府結業，之後私房菜亦曾因新冠疫情影響，生意急挫8成，共蝕90萬。